Shyǵys Qazaqstan oblysynyń prokýratýrasy oblys ákiminiń orynbasary Jaqsylyq Omarǵa qatysty sot úkimine túsinik berdi, dep habarlaidy Dalanews.kz.
Vedomstvo deregine sáikes onyń áreketi sybailas jemqorlyq sanatyna jatady. Is qysqartylǵan tártippen qaralǵanyn eskergen aiyptaý tarapy zańdaǵy eń qatań jazany suraǵan.
Prokýratýra ókili qoldanystaǵy qylmystyq zańnamaǵa sai sybailas jemqorlyq úshin sottalǵandarǵa raqymshylyq pen shartty túrde merziminen buryn bosatý qoldanylmaitynyn aitty.
Sot úkimi áli zańdy kúshine engen joq.
Aita keteiik, Jaqsylyq Omarǵa iri kólemde alaiaqtyq jasady jáne para aldy degen aiyp taǵylǵan. 3 sáýirde sot sheshimi jariialanyp, ol kináli dep tanyldy. Onyń múlki tárkilenip, alty jylǵa bas bostandyǵynan aiyrý jazasy belgilendi.
