Qaiyrymdylyq is-shara Baiqońyr aýdanynda aýdandyq ákimdik ókilderi men máslihat depýtattarynyń qatysýymen bastaldy, dep habarlaidy Nur-Sultan ákimdiginiń resmi saity.
Biyl aktsiia balalar jyly aiasynda ótkiziledi. Oǵan demeýshiler men qamqor azamattar belsendi qatysady.
Jyl saiynǵy is-shara jańa oqý jylyna daiyndyq kezeńinde halyqtyń áleýmettik osal sanatyndaǵy balalarǵa kómek kórsetýge baǵyttalǵan.
"Búgin biz az qamtylǵan jáne muqtaj otbasylarǵa arnalǵan jyl saiynǵy "Mektepke jol" respýblikalyq aktsiiasyn bastadyq. Ol 30 qyrkúiekke deiin jalǵasady. Bokstar Baiqońyr aýdanynyń úsh núktesinde ornatyldy: "Álem", "Aimaktaý" jáne "Jannur" SÚ. Qaiyrymdylyq aktsiiasyna qoldaý kórsetkisi keletinder qajetti zattardy, mektep formasyn, mektepke arnalǵan keńse taýarlaryn ala alady, olar az qamtylǵan oqýshylarǵa taratylady. Biz turǵyndardy igi isti qoldaýǵa jáne oǵan qatysýǵa shaqyramyz", - dep atap ótti Baiqońyr aýdanynyń ákimi Erlan Jaýlybaev.
Aktsiiaǵa qatysý úshin muqtaj ata-analar óz mektebiniń áleýmettik pedagogtaryna júginýi tiis, olar aýdan ákimdigine tizimderdi qalyptastyrady jáne jiberedi.
Esterińizge sala keteiik, ótken jyly atalǵan aktsiia aiasynda 750-den astam bala qamtylsa, aǵymdaǵy jyly aýdan ákimdigi 1000-ǵa jýyq balany mektepke qajetti barlyq zattarmen qamtamasyz etýdi josparlap otyr.
Jaqsy dástúr aiasynda aýdan ákimi apparaty "Mektepke jol-2022" brendtelgen qaiyrymdylyq úilerin ornatty. Búgin bul "úiler" Baiqońyr aýdany ákimi men qalalyq máslihat hatshysynyń mektepke qajetti zattary bar alǵashqy riýkzaktarmen tolyqtyryldy.
