Aty ańyzǵa ainalǵan aqyn Oljas Súleimenov álemdegi eń bedeldi syilyqqa usynyldy. Eger usynys qabyldansa, ol «Nobel» syilyǵyn alǵan alǵashqy qazaq bolýy múmkin. Bul týraly qazaqstandyq «Baitaq» jasyldar partiiasynyń IV sezinde belgili boldy, dep habarlaidy Dalanews.kz.
Partiianyń jiynyna onyń eldiń barlyq óńirlerinen kelgen partiia delegattary qatysty. Sezd aiasynda, Nobel komitetiniń talaptaryna qatań sáikes, partiia atynan Oljas Súleimenovti Nobel syilyǵyna usyný týraly bastamany Joldaýdyń resmi rásimi men saltanatty rásimi ótkizildi.
«Qazposhta» AQ Ulttyq poshta operatory Oljas Súleimenovti beibitshilik Nobel syilyǵyna usyný bastamasymen konvertti qabyldap, jóneltýge resimdegeni resmi rastaldy. Rásim belgilengen halyqaralyq talaptarǵa tolyq sáikes oryndaldy. Sezde sóz sóilegen Qazaqstandyq «Baitaq» jasyldar partiiasynyń tóraǵasy Azamathan Ámirtaev Nobel komitetiniń talaptaryna sáikes Nobel syilyǵynyń laýreattary, ýniversitet rektorlary, ministrler, depýtattar, sondai — aq qoǵamdyq jáne áleýmettaný ǵylymdarynyń ǵalym-professorlary beibitshilik Nobel syilyǵyna úmitker bolýǵa quqyly ekenin atap ótti.
«Bizdiń partiianyń quramynda qajetti akademiialyq mártebege ie ǵalymdar bar. Osyǵan bailanysty partiianyń ǵylymi qoǵamdastyǵy atynan Oljas Súleimenovti usyný týraly resmi bastama joldandy. Usynys qabyldansa Súleimenov Novel syilyǵyn alǵan alǵashqy qazaq otandasymyz atanady», — dedi Azamathan Ámirtaev.
Sezd jumysyna qazaqstandyq «Baitaq» jasyldar partiiasynyń depýtattary, sondai-aq belgili qoǵam qairatkerleri, sonyń ishinde Irak Elekeev, Aikúl Samaqova, Kaiýkov Karipek jáne azamattyq qoǵamnyń basqa da ókilderi qatysty.
«Sondai-aq, partiia Tóraǵasy jaqyn arada Oljas Súleimenovtiń bastamasyn halyqaralyq qoldaýdy keńeitý jáne olardyń tarapynan kandidatýrany usyný maqsatynda Frantsiia ókilderimen, sondai-aq Japoniia men Ortalyq Aziia elderindegi seriktestermen halyqaralyq kelissózder júrgizý josparlanyp otyrǵanyn habarlady. «Baitaq» Jasyldar partiiasy bul usynysty shoǵyrlandyrylǵan azamattyq ustanymnyń kórinisi jáne Oljas Súleimenovtiń jahandyq beibitshilikti, iadrolyq qaýipsizdikti jáne halyqaralyq ekologiialyq qozǵalysty nyǵaitýǵa qosqan zor úlesin moiyndaý retinde qarastyrady», — delingen partiianyń habarlamasynda.
