Aimaq basshysy top quramyn bastap kelgen IýNESKO-nyń Parijdegi tarihi qalalyq landshafttar jónindegi keńesshisi Kristina Iamandige óńirimizdegi jańalyqtardyń jaiyn habarlap, delegatsiianyń jańadan jańaryp, jańǵyrýǵa kirisken Túrkistan oblysynyń qaita qurylǵan tusynda kelgenine rizashylyǵyn bildirdi.
«Túrkistan oblysy men IýNESKO-nyń óńirimizdiń áleýetin arttyryp, odan ári damytýda múmkindikteri zor dep bilem. Jyldyń basynda biz sizdermen «Mýzei isi» mamandaryn oqytý boiynsha birlesken treningter ótkizdik. Búginde ózderińiz QR Mádeniet jáne sport ministrliginiń qoldaýymen "Túrkistandaǵy Q.A.Iassaýi kesenesin tarihi landshaft qalashyǵyna baǵyttalǵan kózqarasty engizý jolymen tehnikalyq qoldaý" Ulttyq seminaryn ótkizýdi bastadyńyzdar.
Osy jyly Krista Pikkat hanymmen kezdesýde bizder materialdyq jáne materialdyq emes mádeni murany qorǵaý, sondai-aq IýNESKO-nyń usynysymen tikelei iske asyratyn mamandardy daiarlaý men olardy oqytý máselelerindegi jumysty tereńdetýge ýaǵdalastyq. Osyǵan bailanysty, IýNESKO-nyń Parijdegi keńsesi men Kristina Iamandi hanymnyń oblysymyzǵa sapary úshin jeke alǵysymdy bildirgim keledi», - dedi aimaq basshysy.
Kezdesýde aimaq basshysy qonaqtarǵa oblystyń ekonomikalyq jaǵdaiyn tanystyryp, týrizm indýstriiasyn damytý múmkindikterin baiandady.
