Komısıa qorytyndysynda oblys ákimi J.Túımebaev memlekettik mekemelerdiń birinshi basshylaryna Qazaqstan Respýblıkasynyń «Terorızmge qarsy is-qımyl týraly» Zańyn múltiksiz oryndalýyn qamtamasyz etýdi tapsyrdy. Sondaı-aq, QR dinı ekstremızm men terorızmge qarsy is-qımyl jónindegi 2018-2022 jyldarǵa arnalǵan memlekettik baǵdarlamanyń oryndalýy boıynsha tıisti sharalar qabyldaýdy mindettep, terorıstik turǵydan osal obektilerdiń tizbesi aıasynda qaýipsizdik sharalaryna qatysty tıisti tekserýler júrgizýdi júktedi.
Sonymen birge, jıynda oblys aýmaǵyndaǵy aýyr jáne asa aýyr qylmystar men zańsyz kóshi-qonnyń aldyn alýǵa baǵyttalǵan sharalar baıandaldy. Óńir basshysy quqyq buzýshylyq profılaktıkasy jumystarynyń tıimdiligin odan ári jetildirý boıynsha da birqatar tapsyrmalar berdi.
Májilis sońynda quzyrly organ basshylary sybaılas jemqorlyqqa qarsy atqarylyp jatqan jumystaryn baıandap, aldaǵy merzimge arnalǵan arnaıy sharalar josparyn qabyldaıtynyn málimdedi.
