– Memleket retinde qalyptasyp, Táýelsizdikke qol jetkizgenine shirek ǵasyr ǵana bolǵan bizge tatýlyq pen yntymaq óte qajet. Saryaǵash shekaralyq aimaqta ornalasqan strategiialyq aýdan. Mundaǵy halyqtyń ósimi óte joǵary. Sondyqtan da eldiń áleýmettik jaǵdaiyn jaqsartý maqsatynda Elbasymyzdyń qoldaýymen júieli jumystar atqarylýda. Munyń bárine eldegi turaqtylyq pen birliktiń arqasynda qol jetkizip otyrmyz. Osy jetistikterimizdi el aǵalary men turǵyndary qoldap, qýattap otyrsa, budan da joǵary jetistikterge qol jetkizýge múmkindigimiz mol, – dedi Janseiit Qanseiituly.
Sondai-aq, oblys ákimi kezdesý barysynda Abai aýylynda oryn alǵan oqiǵaǵa da toqtaldy. Bul máselemen tiisti quzyrly organdardyń ainalysyp jatqanyn aita kele, bolshaqta mundai jaǵdailardyń oryn almaýy úshin el aǵalary, aýyl bileri birigip júieli túrde jumys isteý kerektinin málimdedi.
Kezdesýde sóz alǵan aýyl bii M.Ilesbekov el ishindegi túrli máselelerdiń der kezinde sheshilýine barlyǵynyń da múddeli bolyp, jumylý qajettigin jetkizdi.
Jiyn sońynda oblys basshysy saryaǵashtyq turǵyndardy Naýryz merekesimen quttyqtap, elimizde tynyshtyq pen berekeniń saltanat qurýyn tiledi.
OQO ákiminiń baspasóz qyzmeti
