Kezdesý barysynda taraptar «Qazaqstan Ǵarysh Sapary» AQ-nyń joǵarydáldikti spýtniktik navigatsiia júiesiniń jerústi infraqurylymyn paidalaný, navigatsiialyq qyzmet kórsetý baǵytynda pikir almasty. Osy rette ǵaryshker atalǵan kompaniianyń Ońtústik Qazaqstan oblysynyń aýyl sharýashylyǵy, jer inpektsiiasy, tótenshe jaǵdailardyń aldyn alý sharalaryna spýtniktik navigatsiialyq qyzmet kórsete alatynyn jetkizdi.
– Elimizde «Qazaqstan Ǵarysh Sapary» ulttyq kompaniiasy» aktsionerlik qoǵamy memlekettiń júz paiyz qatysýymen 2005 jyly qurylǵan bolatyn. Kompaniianyń maqsaty – 2020 jylǵa qarai joǵary tehnologiialyq, dinamikalyq damyp kele jatqan, básekege qabiletti ǵarysh júielerin derbes jobalaýǵa, jasaýǵa jáne paidalanýǵa, ári óńirlik jáne dúniejúzilik naryqtarda talap etiletin sapaly qyzmetter kórsetý bolyp tabylady. Bul rette bizdiń kompaniia Ońtústik Qazaqstan oblysynyń damýshy salalaryna óziniń úlesin qosa alady, – dedi Aidyn Aiymbetov.
Ǵaryshkerdiń usynysyn qabyl alǵan óńir basshysy oblystyń tynys-tirshiligin baiandap berdi.
– Siz qazaq halqynyń úlgi tutar azamatynyń birisiz. Ońtústik Qazaqstan oblysynyń agrarlyq áleýeti orasan. Qazir osy saladaǵy áleýetterimizdi keńinen paidalanýǵa kúsh salyp jatyrmyz. Aldaǵy ýaqytta jer igerý sekildi ózekti máselelerde «Qazaqstan Ǵarysh Sapary» ulttyq kompaniiasyń qyzmetterin paidalanýǵa múddeli ekenimizdi jetkizgim keledi, – dedi Janseiit Qanseiituly.
Óz kezeginde Halyq Qaharmany Aidyn Aiymbetov te zor yqylaspen qarsy alǵan oblys basshylyǵyna erekshe rizashylyǵyn bildirdi.
OQO ákiminiń baspasóz qyzmeti
https://dalanews.kz/33542
