Halyq aýyz ádebietindegi jyr-dastandarymyzdy ekranǵa shyǵaryp, sol arqyly óskeleń jas urpaqqa óz eliniń tarihyn, salt-dástúrin dáripteý maqsatynda túsirilgen mýltfilmniń tusaýkeser keshine oblys ákimi arnaiy qatysty.
– Ultymyzdyń bolashaǵy búldirshinderimizdiń tilinen bastalady. Olar jastaiynan ulttyq qundylyqtarǵa bai, qazaq tildi mýltfilmderdi kórip ósýi kerek. Óitpegen jaǵdaida sheteldik týyndylarmen sýsyndaityn bolady. Bul sózsiz balalarymyzdy ulttyq qundylyqtarymyzdan alystatady. Sondyqtan da men osyndai animatsiialyq filmder jasaýdy tapsyrdym, – dedi ideia avtory Janseiit Túimebaev.
Aimaq basshysynyń ideiasymen «Bolashaqqa baǵdar: rýhani jańǵyrý» maqalasy aiasynda oblysta «Qajymuqan», «Otyrardy qorǵaý», «Kieli Qazyǵurt» atty úsh animatsiialyq film men «Kóne jetigenniń syry» atty 10 seriialy telehikaia túsirildi.
Bul kóp serialdy film Memleket basshysynyń baǵdarlamalyq maqalasynda aitylǵan kieli jerler men tarihy oryndar jaiynda túsirilgen elimizdegi alǵashqy kino desek te bolady. Óńirdiń týrizm salasyn damytýǵa, ásem tabiǵaty men kieli jerlerin jáne dostyq pen tatýlyqty nasihattaityn kinokartinada ulttyq rýhty kóterý kózdelgen.
«Pariotizm ózińniń kindik qanyń tamǵan jerińe, ózińniń týǵan aýylyńa súiishpenshilikten bastalady» degen Elbasynyń sózi bar. Óziniń týǵan aýylyn súie almaǵan azamat, eshqashan óziniń týǵan memleketin súie almaidy. Bul aksioma. Sondyqtan da biz ońtústikqazaqstandyqtar bolyp, osyndai filmderdi túsirý arqyly tek qana ońtústiktiń mársebesin ǵana emes, qazaq halqynyń rýhani qundylyǵyna áser etetin búkil oblystaǵy qazaq balalarǵa, baýyrlarymyzǵa qozǵaý salatyn osyndai filmderdi túsirgenimizge qýanyshtymyz», –dedi oblys ákimi.
Shara barysynda óńir basshysy «Saq» stýdiiasynyń direktory Nýriddin Patteevti oblysqa sińirgen eńbegi úshin medalimen, filmniń stsenariin jazǵan Batyrhan Dáýrenbekov pen Baqytjan Quljabaidy alǵys hatpen marapattady.
Aita keteiik, Saq kinostýdiiasy búginge deiin 50-den astam animatsiialyq 5 tolyqmetrajdy film jasaǵan. Sondai-aq, «Tompaq», «Qalqanqulaq» atty serialdar túsirip úlgergen.
OQO ákiminiń baspasóz qyzmeti
