Salyq kodeksin engizý jónindegi jobalyq keńse 60 máseleni qarastyrdy, dep habarlaidy Dalanews.kz.
Premer-ministrdiń orynbasary – ulttyq ekonomika ministri Serik Jumanǵarinniń tóraǵalyǵymen ótken Salyq kodeksin engizý jónindegi jobalyq keńseniń 8-otyrysynda atqarylǵan jumystardyń aldyn ala qorytyndysy qaraldy.
Jobalyq keńseniń otyrystarynda Salyq kodeksiniń normalaryn implementatsiialaýǵa bailanysty barlyǵy 60 másele qaraldy. Atap aitqanda, densaýlyq saqtaý salasynda dári-dármekter men meditsinalyq buiymdardy importtaý kezinde QQS qoldanýǵa jáne orfandyq jáne áleýmettik mańyzy bar dári-dármekterdi QQS-tan bosatýǵa qatysty zańǵa táýeldi aktilerge ózgeris engizý jumysy aiaqtalýda. Biylǵy 13 aqpanda Densaýlyq saqtaý ministrliginiń QQS-syz dári-dármekter men meditsinalyq buiymdarǵa shekti baǵany belgileý týraly buiryǵy qabyldandy.
Ónerkásip jáne qurylys, Energetika, Qarjy ministrlikteri, Tabiǵi monopoliialardy retteý komiteti jáne «Samuryq-Qazyna» ońailatylǵan deklaratsiia negizinde arnaýly salyq rejimin qoldanatyn salyq tóleýshilerden taýarlardy, jumystar men kórsetiletin qyzmetterdi satyp alýǵa qatysty satyp alý qaǵidalaryndaǵy ózgeristerdi pysyqtaýda. Bul kvazimemlekettik kompaniialar tarapynan shyǵyndardy ulǵaitpai salyq zańnamasyn, óndiristik protsesterdi saqtaýǵa jáne básekelestik ortany qoldaýǵa baǵyttalǵan tetikter týraly. Salyq kodeksiniń ideologiiasyn negizge ala otyryp, tiisti ózgeristerdi ázirleý úshin biryńǵai negizdi Ulttyq ekonomika ministrligi qalyptastyrady.
«Taza paraqtan» ákimshilendirýge, salyq rejimderin ózgertýge, qarjy sektoryna, SÁAJ jumysyna jáne basqalarǵa qatysty qalǵan máseleler jedel sheshildi.
