Qarjy vitse-ministri Erjan Birjanov jańa salyq kodeksi boiynsha kólikterge qandai jeńildikter beriletinin túsindirdi, dep habarlaidy Dalanews.kz.
Birjanovtyń sózinshe,jańa salyq kodeksine bailanysty avtokólikterge salyqty azaitý qaldy.
"Jańa norma boiynsha eger avtokóliktiń shyqqan merziminen 20 jyldan assa, onda 50 paiyzǵa deiingi jeńildik qarastyrylǵan. Eger kóliktiń qoldanysta júrgenine 10 jyldan assa, onda 30 paiyz jeńildik beriledi. Bul norma eger senat maquldaityn bolsa 2026 jyldyń 1 qańtarynan bastap kúshine enedi", dedi Birjanov.
Eske salaiyq, buǵan deiin Májilis Salyq kodeksiniń jobasyn ekinshi oqylymda maquldaǵan bolatyn.
Qujat boiynsha Májilis otyrysynda jalǵyz ǵana depýtat – jumys tobynyń jetekshisi Berik Beisenǵaliev sóz sóiledi.
«Qarjy jáne biýdjet komiteti Salyq kodeksi jobasy men oǵan qatysty "Salyq salý máseleleri boiynsha keibir zańnamalyq aktilerge ózgerister men tolyqtyrýlar engizý týraly" zań jobasyn ekinshi oqylymda qabyldap, Senatqa joldaýdy múmkin dep sanaidy», – dedi Beisenǵaliev.
Onyń baiandamasynan keiin depýtattar birden daýys berýge kiristi. Nátijesinde:
Salyq kodeksin qabyldaýǵa 88 depýtattyń 76-sy daýys berdi,
8-i qarsy, 4-i qalys qaldy;
Zańnamaǵa engiziletin túzetýler boiynsha 87 depýtattyń 76-sy qoldady,
7-i qarsy, 4-i qalys qaldy.
