31 tamyz kúni Almatydaǵy Kók-tóbe alańynda Jańa adamdar qozǵalysy «Jańa rıtmge qosyl!» atty daýylpazdar festıvalin ótkizdi. Kók-tóbe alańynda daýylpaz, darbýk, dram-pad jáne túrli perkýssıa aspaptarynda oınaıtyn mýzykanttar jınaldy. Almatynyń turǵyndary men qonaqtary kórsetilimdi tamashalap qana qoımaı, festıvál tolqynyna qosylyp, belsendilermen birge jańa yrǵaqty bastaý arqyly ózgeristerdiń árqaısymyzdan bastalatynyn kórsete aldy, dep habarlaıdy Dalanews.kz
Festıváldiń basty oqıǵasy —fırmalyq Qazaqstan fýtbolkalarynyń tanystyrylymy boldy. Bul merch — jańa dúnıetanym beınesiniń kórneki manıfesi, «Men» jáne «Qazaqstan» arasynda shekara bolmaıtynyn kórsetedi. Ony kıgen adam bylaı deıdi:
«Elimde bolyp jatqannyń bári maǵan qatysty. Men ómirimdi bireý ózgertedi dep kútpeımin – óz bolashaǵym úshin ózim jaýaptymyn. Meniń tańdaýym, sózim jáne áreketim — mádenıetti qalyptastyryp, eldiń bolashaǵyn aıqyn etedi. Men – Qazaqstanmyn. Men shynaıylyqty ózim quramyn, oǵan beıimdelmeımin».
Festıváldiń sharyqtaý shegi — 200 belsendi qatysqan aýqymdy daýylpaz shoýy boldy. Daýylpazdar rıtmi, breık-danserlerdiń óneri jáne kórermenderdiń qoldaýy bárin bir yrǵaqta ushtastyrdy. Dál osy kórsetilimder «Jańa rıtmge qosyl!» jańa azamattyq naýqanynyń bastaýyna aınaldy. Belsendiler mýzyka arqyly jańa mádenıettiń — jasampazdyq, jaýapkershilik pen alǵa jyljý mádenıetiniń oıaný sımvolyn dáripteýde.
Ýsenova Arýjan, Jańa adamdar:
«Búgingi oqıǵa ózgerister mádenıeti ózinen bastaýǵa daıyn adamdardyń arasynda dúnıege keletinin kórsetti. «Jańa rıtmge qosyl» — bostandyq, adaldyq jáne óz isińe degen qurmet týraly. Eger biz ózgeristerdi kórgimiz kelse, ózimiz sol ózgeristerdiń bastamashysyna aınalýymyz qajet. Bizdiń Qazaqstan fýtbolkalarymyz meniń jáne Qazaqstannyń arasynda eshqandaı shekara joq ekenin jáne elde bolyp jatqannyń bári maǵan qatysty ekenin aıqyn kórsetedi. Óıtkeni Men – Qazaqstanmyn».
