Jańa Qazaqstannyń 10 baspaldaǵy
Elimizdegi saiasi reformanyń ózektiligin ǵalamdaǵy jáne elimizde oryn alǵan sońǵy ýaqiǵalarmen sabaqtastyra kele «saiasi jańǵyrý bolmasa, elimizdi ornyqty damytý, aýqymdy áleýmettik-ekonomikalyq ózgeris jasaý múmkin emes» ekendigin qadap aitty.
Qasym-Jomart Kemelulynyń joldaýda usynǵan 10 bastamasy uzaq jyldar boiy qordalanǵan eldegi saiasi, ákimshilik jáne áleýmettik máselelerdi sheshýdiń kilti bolmaq. Mysaly, eldi qýatty parlamentti bar prezidenttik respýblikaǵa ainaldyrý, ádil sailaý júiesin qurý, saiasi partiialardyń jumysyn jaqsartý, konstitýtsiialyq sot qurý, ulttyq quryltai qurý, ákimshilik-aýmaqtyq qurylymdy jaqsartý, daǵdarysqa qarsy sharalardy júrgizý siiaqty aýqymdy josparlary eldiń kóńilin kúpti etken jáne kókeiinde júrgen kóptegen máselelerdiń ońdy sheshilýine septigin tigizeri haq. Prezidentimiz kótergen bastamalar halyq pen bilikti bir arnaǵa toǵystyratyn jáne eldi bolashaqqa, iaǵni Jańa Qazaqstanǵa alyp baratyn baspaldaq ispettes.
Ásirese, Prezidentimizdiń «Azamattyq qoǵam institýttarynyń rólin nyǵaitý» bastamasy qoǵamdaǵy shielenisken máselelerdi sheshýdiń utymdy tásili ekendigine kúmán joq. Bul bastama - ult igiligi úshin qyzmet etetin kóptegen qoǵamdyq uiymdar men keńesterdiń qurylýyna septigin tigizip, úkimet pen qoǵam arasyn jalǵaýshy altyn kópirge ainalady dep oilaimyn. Óitkeni, qoǵamdyq uiymdar men keńesterdiń belsendi jumys isteýi - azamattyq qoǵamnyń jáne qoǵamdyq institýttardyń damýyna serpin beredi.
Abai atyndaǵy QazUPÝ-dyń Jas zertteýshiler keńesi Prezidentimiz Qasym-Jomart Kemelulynyń Joldaýda kótergen bastamalaryn jastar arasynda nasihattaý jáne jastardyń saýattylyǵyn kóterý maqsatynda «Jańa kezeńdegi Jańa Qazaqstan jastary» atty jastardyń saýattylyq aptalyǵyn ótkizýdi josparlap otyr. Aptalyq aiasynda jastarymyzdyń dini, saiasi, quqyqtyq, media jáne aqparattyq, qarjylyq jáne gigienalyq saýattylyqtaryn kóterý maqsatynda osy salalardyń ǵalymdarymen, jaýapty organ ókilderimen jáne sarapshylarmen kezdesýler ótkizetin bolamyz.
Babalarymyzdyń «Yntymaq-uiymnan», «Birlik bar jerde – tirlik bar» «Jumyla kótergen júk jeńil» degen qanatty naqyl sózderiniń astyranda tereń mán jatyr emes pe?! Memleket basshysy usynǵan 10 bastamany el bolyp jumylyp júzege asyrǵanda ǵana Jańa Qazaqstandy quratynymyzdy barshamyz túsinýimiz kerek.
Shahislam LAISHANOV, Abai atyndaǵy QazUPÝ, Jas Zertteýshiler keńesiniń tóraǵasy, PhD
