Ol búgin búkil el úshin mańyzdy kún ekenin jáne bul sailaý Qazaqstan tarihynda máńgi qalatynyn, óitkeni bul bizdiń memleketimizdiń saiasi qurylymyn damytýdyń jańa kezeńin bildiretinin atap ótti.
El prezidenti Qasym-Jomart Kemeluly Toqaev bastaǵan barlyq saiasi reformalar júzege asyryldy dep atap ótti Danial Ahmetov.
«Biz bárimiz saiasi landshafttyń ózgergenine kýá bolyp otyrmyz jáne bul sailaý Qazaqstannyń azamattyq qoǵamynyń damýyna mańyzdy serpin beretini sózsiz. Búgin biz jańa energiiamen, jańa oilarmen jáne ideialarmen keletin depýtattardy sailaitynymyzǵa senimdimin»,-dedi ShQO ákimi.
Oblys ákimimen birge sailaý ýchaskesine №42 mekteptiń túlekteri keldi. Olar ómirinde birinshi ret daýys berdi. «Prezident demokratiialandyrý protsesin odan ári damytý týraly birneshe ret aityp ótken bolatyn. Biz qoǵamymyz demokratiialanyp, bilikke degen senim deńgeii artady dep senemiz»,-dedi Edýard Viýterih.
Qurdasynyń oiyn ári qalai alǵash daýys berýge kelgen Roman Lýnevte oiyn bylai jetkizdi.
«Bizdiń tańdaýymyz tolyǵymen sanaly, ózgeristerden qorqýdyń qajeti joq, ýaqytpen birge júrý mańyzdy», - dedi ol.
Óńir basshysy jastardyń óz eline senýi jáne belsendi azamattyq ustanymyn kórsetýi, saiasi protsesterge qatysýy qajet ekenin atap ótti.
«Búgin sailaýda jastardy kórý óte qýanyshty», - dep atap ótti Danial Ahmetov.
