Búgin Shymkent qalasyndaǵy Jumabek Táshenov ýniversitetinde «Amanat» partiiasynyń Shymkent qalalyq filialy Atqarýshy hatshysynyń orynbasary Muratáli Qalmuratov stýdenttermen kezdesýinde Joldaýdy júzege asyrý tóńireginde pikirlesti.
Joldaýynyń úshinshi baǵytynda jas urpaqtyń densaýlyǵyn nyǵaitý, sapaly bilim alýy men jumyspen qamtý jáne jas kásipkerlerdi qoldaý jóninde aitylǵan.
Kezdesý barysynda Muratáli Orazalyuly Memleket basshysy jastarǵa kóp úmit artyp otyrǵanyn, ádiletti qoǵam qurýda jas býynnyń róli úlken ekenin jetkizdi.
–Damyǵan elderdiń tarihyna úńilseńiz aldymen jastarǵa kóbirek kóńil bólip, olardyń sanaly tárbie men sapaly bilim berýdi qolǵa alǵanyn baiqaimyz. Prezidentimiz Qasym-Jomart Kemeluly Jańa Qazaqstandy qurýda jas býynǵa úmit artqany Joldaýda aiqyn kórinis tapty.
Qazir joǵary oqý ornyn aiaqtaǵan jas túlekterdi jumysqa ornalasý máselesi alańdatatyny ras.
Jastarǵa jan-jaqty qoldaý memleketimizdiń basty mindetteriniń biri ekenin aityp, kelesi jyly 100 myń jastyń jumyspen qamtylatynyn jetkizdi. Jas kásipkerlerge qoldaý kórsetý maqsatynda olarǵa jeńildetilgen tártippen 2,5 paiyz bolatyn shaǵyn nesie beriletinin málimdedi. Aldaǵy ýaqytta elimizdegi shaǵyn bizneste jastardyń tyń bastamalarymen jańa deńgeige kóteriletinine nyq senimdimin. Berekeli qoǵamnyń bastaýy, ádiletti memlekettiń negizi de jastar, - dedi ol.
Aita ketsek, búginde jastarmen birlese Prezident Q.Toqaevtyń Joldaýyndaǵy mańyzdy máselelerdi iske asyrý jóninde túrli is-sharalar uiymdastyrylýda.
Mundai pikirlesý alańy qala jastary arasynda memleket tarapynan jasalatyn múmkindikterdi tereń nasihattaýǵa jol ashady.
«Shymkent kelbeti»
Foto: Serik Qosaev
