Bilim - igilik pen birliktiń, baqyt pen baqtyń, bailyq pen dáýlettiń negizgi kózi.
Saltanatty jiynda barlyq búldirshinderge Qazaqtyń asa kórnekti aǵartýshy-pedagogi Ybyrai Altynsarinniń ádistemesine negizdei otyryp ázirlengen «Álippe» oqýlyǵy saltanatty túrde tabys etildi.
«Biylǵy oqý jylynda orta bilim beretin mektepterge 14 605 oqýshy, onyń ishinde 1 – synypqa 1256 oqýshy qabyldanyp, olarǵa 1850 pedagog sabaq beretin bolady. Olardyń qaýipsizdigi úshin búginnen bastap aýdandaǵy 44 mektep dástúrli túrde sanitarlyq talaptardy saqtai otyryp jumystaryn bastady.»,-dedi aýdan basshysy.
Sonymen qatar, óńir basshysy kishkentai búldirshinderge bolashaqqa qaqqan qanattary talmai, eńsesi biik elimizdiń órisi biik azamattary bolýlaryna shyn júrekten tilektes ekendigin jetkizip, ustazdar jáne ata-analarǵa óskeleń urpaqty tárbieleý jolyndaǵy ereń eńbekterine tyń tabystar men shyǵarmashylyq izdenister tiledi.
Egemen elimizdiń erteńi – jas órkenderimizdiń attaǵan qadamdary oń bolsyn!
Bilim kúni qutty bolsyn!
Qasiet ARSTAN,
Alakól aýdany ákiminiń
baspasóz-hatshysy
