Білім - игілік пен бірліктің, бақыт пен бақтың, байлық пен дәулеттің негізгі көзі.
Салтанатты жиында барлық бүлдіршіндерге Қазақтың аса көрнекті ағартушы-педагогі Ыбырай Алтынсариннің әдістемесіне негіздей отырып әзірленген «Әліппе» оқулығы салтанатты түрде табыс етілді.
«Биылғы оқу жылында орта білім беретін мектептерге 14 605 оқушы, оның ішінде 1 – сыныпқа 1256 оқушы қабылданып, оларға 1850 педагог сабақ беретін болады. Олардың қауіпсіздігі үшін бүгіннен бастап аудандағы 44 мектеп дәстүрлі түрде санитарлық талаптарды сақтай отырып жұмыстарын бастады.»,-деді аудан басшысы.
Сонымен қатар, өңір басшысы кішкентай бүлдіршіндерге болашаққа қаққан қанаттары талмай, еңсесі биік еліміздің өрісі биік азаматтары болуларына шын жүректен тілектес екендігін жеткізіп, ұстаздар және ата-аналарға өскелең ұрпақты тәрбиелеу жолындағы ерең еңбектеріне тың табыстар мен шығармашылық ізденістер тіледі.
Егемен еліміздің ертеңі – жас өркендеріміздің аттаған қадамдары оң болсын!
Білім күні құтты болсын!
Қасиет АРСТАН,
Алакөл ауданы әкімінің
баспасөз-хатшысы
