Shara jańa Konstıtýsıa jobasyn túsindirýge arnalǵan aqparattyq alań retinde uıymdastyrylǵan, dep habarlaıdy Dalanews.kz.

Alty saǵatqa josparlanǵan marafon barysynda Konstıtýsıa jobasynyń negizgi baǵyttary jan-jaqty talqylanady.

«Tok-shoý»  jáne «Saraptaý: buryn jáne qazir» alańynda 100-ge jýyqspıker «Jańa Konstıtýsıa: ózgeristerdiń máni», «Jańa Konstıtýsıanyń Preambýlasy», «Egemendik pen Táýelsizdik - bárinen qymbat», «Chelovek v sentre gosýdarstvennoı polıtıkı», «Zań jáne tártiptiń ústemdigi memleket qyzmetiniń negizgi qaǵıdaty», «Tarıhı-mádenı murany saqtaý, tól mádenıetti qoldaý», «Semá ı brak», «Quryltaı yqpaly: quzyreti men mindeti», «Qazaqstan Halyq keńesi», «Ulttyq zańnama men halyqaralyq sharttardyń ara qatynasy», «Volonterskaıa deıatelnost, «Ekologıalyq mádenıet pen jaýapkershilik» taqyryptary boıynsha pikir almasyp,  konstıtýsıalyq ózgeristerdiń ár azamattyń ómirine áseri týraly aıtady. Sonymen qosa, Konstıtýsıa jobasyna beı-jaı qaramaǵan otandastarymyzdyń joldaǵan usynystarynyń Konstıtýsıa baptarynda qalaı kórinis tapqany týraly aıtylyp, halyqtyń tilegi eskerilgen qujattyń jańa jobasy tanystyrylady.

Spıkerler qatarynda QR Konstıtýsıalyq sot tóraǵasynyń orynbasary Baqyt Nurmuhanov, QR Parlamenti Májilisiniń depýtattary Aıdos Sarym, Ermurat Bapı, Murat Ábenov, Ashat Aımaǵambetov, Memlekettik basqarý akademıasy Basqarý ınstıtýtynyń dırektory Quralaı Sadyqova, QR Bala quqyqtary jónindegi ýákili Dınara Zakıeva jáne ózge de qoǵam ókilderi bar.

İs-shara respýblıkalyq telearnalar men ınternet-portaldardyńYouTube jáne Facebook platformalary arqyly tikeleı efırdekórsetilýde.