Jańa aqidań qutty bolsyn, Muhammedjan baýyrym!
"Buǵan deiin sáláfi jolyndaǵy jigittermen aralas-quralas bolǵanym ras. Matýridi aqidasyna qatysty keibir kúmánim bolatyn. Alaida, sońǵy jyldary onyń eń durys senim ekenine, ata-babamyz ustanǵan jol ekenine kózim jete bastady. Júregimdegi eń sońǵy kúmándarymnyń seiilip, Matýridi aqidasyna tolyq bet burýyma Naýryzbai hazret sebepshi boldy. Al taýhidti ustanamyz deitin sáláfi jolyndaǵy jigitterdiń aityp júrgeni taza sekta ekenine kózim jetti" M. Tazabekov.
Keibir azamattar Muhammedjan baýyrymnyń jańa aqidasyna qatysty "bul da kózboiashylyq, taqiialyq tásil" dep kúmánmen qarap jatyr eken. Osy tusta Muhammedjan baýyryma bul kúdikti ketirýdiń op-ońai jolyn aitaiyn. Ainalańdaǵy tyǵyz qarym-qatynasta júrgen sálafi aqidasyndaǵy adamdardy ózińiz jiyrma jylǵa jýyq ýaqyttan keiin durystyǵyna ábden kóz jetkizgen Mátýrýdi aqidasyna qaitarý úshin ter tógip, aianbai eńbek etseń, bári óz qalpyna keledi.
Ásirese, ózińizdiń nelikten mátýrýdilikke qaitqanyńyzdy, sálafilik aqidadaǵy ómirlik tarihyńyzdy aitsańyz áserli bolatyndyǵynda kúmán joq. Buǵan sizdiń sheshen tilińiz de, aqyl-parasat, ádis-tásilińiz de jetedi dep oilaimyn. Solardyń bir-birlep mátýrýdi aqidasyna qaitqany jaily habardy estigen saiyn qazaq qoǵamy qýanyshqa bólenip, ózińe kól-kósir alǵysyn jaýdyrar edi. Onyń ústine kezinde sáláfilikke ótýine ózińiz at salysqan adasqan jandardy týra jolǵa salý úshin aianbai eńbek etýińiz eń áýeli bul dini de, adami da paryzyń.
"Taýhidti ustanamyz deitin sáláfi jolyndaǵy jigitterdiń aityp júrgeni taza sekta" dep ózińiz baǵa bergen shatasqan aǵaiyndardy jinap nemese bir-birlep arnaiy umraǵa, qajylyqqa aparaiyq. Qairat Qurmanbai, Ersin Ámire, Erkinbek Shoqai, Baýyrjan Áliuly syndy bilimdi azamattardy birge aparyp, adasqandardyń aqidasyn ózgerteiik. Osylai jasasańyz ǵana sóz ben is úilesedi de, qoǵamda eshbir kúmánǵa oryn qalmaidy. Jurt ne dese de, shynaiylyq túbinde jeńiske jetedi.
Bul usynysymdy esińizde bolsa, 2013 jyly Áziret Sultan meshitine kelip, "Qaireke, elge birge qyzmet jasaiyq" degen kezińizde ózińizge "shart" retinde de aitqan bolatynmyn.
