Jambyl oblysynyń Jýaly aýdandyq soty ÁQBtK-niń 434-b. 1-b. (Usaq buzaqylyq) boiynsha 4 azamatqa qatysty ákimshilik isterdi qarady, dep habarlaidy Dalanews.kz.
Sot anyqtaǵandai, 2025 jyldyń naýryz aiynda «Naýryz» merekesi qarsańynda Baýyrjan Momyshuly aýylyndaǵy kókpar ortalyq alańda jergilikti turǵyndar arasynda jarys ótken. Oiyn barysynda atalǵan tulǵalar ustamdylyq tanytty: sporttyq emes minez-qulyqqa jol berdi, qarsylastaryna qorlaityn sózder aitty, bul kórermenderdiń reaktsiiasyn týdyrdy jáne qoǵamdyq tártipke aiqyn qurmetsizdik kórsetti.
Sot otyrysy barysynda barlyq quqyq buzýshylar kinásin tolyq moiyndap, jasaǵan isine ókinip, janjal emotsionaldyq shielenis aiasynda bolǵanyn túsindirdi.
Aita ketý kerek, osyndai oqiǵa aǵymdaǵy jyldyń qańtar aiynda kókpar oiyny kezinde basqa qatysýshylar arasynda janjal týyndap, sot talqylaýymen aiaqtalǵan kezde oryn alǵan.
Sot qaýlysymen 4 quqyq buzýshy ÁQBtK-niń 434-b. 1-b. boiynsha kináli dep tanyldy jáne olarǵa árqaisysyna 78 myń teńge aiyppul túrinde jaza taǵaiyndaldy.
Sot qaýlylary zańdy kúshine endi.
