Jambyl oblysynda jumyssyz retinde tirkelip, memleketten áleýmettik tólem alyp júrgen azamattyń sol ýaqytta jasyryn túrde jumys istegeni anyqtaldy, dep habarlaidy Dalanews.kz.
Oblystyq sottyń málimetine sáikes, er adam 2024 jyldyń jeltoqsanynda ózin jumyssyz retinde tirkep, Memlekettik áleýmettik saqtandyrý qoryna júgingen. Nátijesinde oǵan alty aiǵa áleýmettik járdemaqy taǵaiyndalǵan.
Alaida 2025 jyldyń mamyr aiynan bastap ol basqa mekemede jumysqa ornalasyp, bul týraly tiisti organǵa habarlamaǵan. Sonyń saldarynan azamat 230 myń teńge kóleminde artyq tólem alǵan.
Memlekettik áleýmettik saqtandyrý qory artyq tólengen somany óndirý týraly talap aryzben sotqa júgindi. Jambyl aýdandyq soty isti jeńildetilgen tártippen qarap, qordyń talabyn negizdi dep tanydy.
Sot sheshimi boiynsha azamattan 230 myń teńge memleket paidasyna qaitarylýy tiis.
Atalǵan sheshim ázirge zańdy kúshine engen joq.
