17 naýryz kúni Merki aýdandyq ortalyq aýrýhanasynyń juqpaly aýrýlar bólimine Merki aýyly Oıtal ýchaskesi «Nuraı» bóbekjaı baqshasynyń 10 tárbıelenýshisi kelip túsken, dep habarlaıdy Dalanews.kz.

Onyń ishinde 9 jaǵdaı jiti ishek ınfeksıasy, 1 jaǵdaı enterovırýsty ınfeksıa dıagnozymen tirkelgen.

1 jasóspirim jansaqtaý bólimine aýystyrylǵan, jaǵdaıy birqalypty (oń nátıjeler baıqalýda).

Osyǵan baılanysty oblys ákimi Erbol Qarashókeevtiń tapsyrmasyna sáıkes jumysshy top qurylyp, ár balanyń jaǵdaıymen tanysyp, oryn alǵan jaǵdaı zerdelenýde. Aýrýdyń neden shyqqany anyqtalýda.

Qázirgi tańda aýrýhanada qosymsha tósek orny qajetilikke baılanysty daıyn. Dári-dármek qory jetkilikti.

Búgingi kúnge Merki aýdandyq sanıtarıalyq-epıdemıologıalyq baqylaý basqarmasymen tekserý jumystary bastalyp, barlyq synamalar alynǵan, qorytyndysy kútilýde.

Atalǵan bóbekjaı jumysy zalalsyzdandyrý jumystaryn júrgizý úshin eki táýlikke toqtatylyp, ata analarǵa eskertildi.

Quzyrly organnyń tekserý qorytyndysy boıynsha tıisti sheshimder qabyldanatyn bolady.

Qoǵamdyq ahýal turaqty, jaǵdaı baqylaýda.