Jambyl oblysynda "Taza Qazaqstan" ekologiialyq aktsiiasy keń kólemde ótkizilýde. Aktsiiaǵa 700 myńnan astam oblys turǵyndary qatysty, dep habarlaidy Dalanews.kz.
Jambyl oblysynda ótken ekologiialyq aktsiia órt qaýipsizdigin aldyn alýdy qamtamasyz etý boldy. Dala órtteriniń paida bolýynyń negizgi sebebi – qýraǵan shópterdiń tutanýynan bolady. Jambyl oblysynyń Tótenshe jaǵdailar departamenti tarapynan órt qaýipsizdiginiń aldyn alýǵa baǵyttalǵan júieli profilaktikalyq jumystar uiymdastyrylýda.
Aǵymdaǵy jyly Jambyl oblysynda dala órtteri tirkelmegen jáne mundai jaǵdailardyń aldyn alý boiynsha oblys jastary bastama kóterip, arnaiy tazalyq jumystaryn júrgizdi. Taraz qalasynyń "Kóktem" alqabynda "Eko LIFE" taqyrybymen ótken estafetaǵa 300-den astam belsendi jastar qatysyp, tazalyq jumystaryn júrgizdi. Estafeta aiasynda qatysýshylar qýraǵan shópterdi oryp, alqapty qoqystardan tazartty. 2022-2023 jylǵy halyqaralyq úzdik volonter A. Námelbek estafetany Jambyl aýdanynyń jastaryna joldady.
Atalǵan aktsiia barysynda barlyq aýdannyń jastary belgilengen oryndarda tazalyq jumystaryn júrgizip, estafetany kelesi aýdanǵa beredi. Osylaisha estafeta túrindegi ekologiialyq aktsiia apta saiyn ár aýdanda ótetin bolady.
Jyl saiyn shyǵarylatyn plastmassadan jasalǵan ónimderdiń kóp mólsheri bir ret qoldanýǵa arnalǵan. Plastiktiń eki júz jylǵa jýyq ýaqytta ydyraityndyǵy belgili. Plastmassalar jerge túskende usaq bólshekterge ajyrap, ózinen qorshaǵan ortaǵa himiialyq zattardy bóle bastaidy. Jerasty sýlary arqyly plastiktiń usaq túiirshikteri jáne onyń himiialyq zattary eń jaqyn sý kózderine túsedi, bul adamzat úshin óte qaýipti qubylys. Budan bólek, plastik qaldyqtardyń qalanyń káriz júiesin toltyryp, sý basý qaýpin týdyratyny belgili.
Osy máselege jol bermeý maqsatynda qala turǵyndary, kommýnaldyq mekemeler men jastar birigip, "Taraz – taza qala" aktsiiasyn ótkizdi. Qatysýshylar Taraz qalasy Saltanat yqshamaýdanynda ornalasqan "Jasyl jelek" alqabynda tazalyq jumystaryn júrgizdi. Ekologiialyq aktsiiaǵa 100-ge jýyq adam qatysyp, plastik qaldyqtar men qoqystardy jinap, 300 qap kúl-qoqysty arnaiy orynǵa aparyp tókti.
"Prezidenttiń bastamasy halyq arasynda úlken qoldaýǵa ie boldy. Aktsiia bizdiń qoǵamda jastardy, óskeleń urpaqty tabiǵatty aialaýǵa, qorǵaýǵa, tazalyqty saqtaýǵa shaqyratyn úlken bir ideologiialyq jumys dese de bolady. Búgin biz ekologiialyq aktsiiaǵa Taraz qalasynyń jastary retinde qalamyzdyń taza bolýyna atsalysyp, is-sharaǵa shyǵyp jatyrmyz", – deidi oblys ákimdiginiń aqparat jáne qoǵamdyq damý basqarmasynyń "Jastar resýrstyq ortalyǵy" KMM direktory A. Qadraliev.
"Taza Qazaqstan" ekologiialyq aktsiiasy aiasynda tazalyq jumystary oblystyń barlyq aýdandarynda ótkizildi. Atap aitqanda, sý aidyndarynyń jaǵalaýlarynda, saiabaqtar men skverlerde, jazdyń ystyq kúnderinde demalýshylar kóp jinalatyn jerlerde jalǵasty.
Belsendi azamattar, eriktiler men jastar Baizaq aýdanynyń Sarykemer aýyldyq okrýginiń avtokólik jolynyń boiynda jaiaý júrginshiler joldaryna tazalaý jumystaryn júrgizse, Jambyl aýdany, Asa aýylynda "Asa" ózeniniń aýyl mańyndaǵy jaǵalaýyn qoqystan tazartty. Jýaly aýdanynda "Ardagerlerge qamqorlyq" aktsiiasynda 17 eńbek ardageriniń, jalǵyzbasty qarttardyń aýlalaryn tazalaý jumystary júrgizilip, "Batyrbek Datqa" kesenesiniń aýmaǵynda qorshaýlardy syrlaý, jasyl jelekterdi sýarý jumystary júrgizildi. Talas aýdany, Qarataý qalasynyń turǵyndarynyń qatysýymen "Taza aýla", "Úzdik kóshe" aktsiialary keń kólemde uiymdastyryldy.
Jambyl oblysynda aktsiia aiasynda 60 tarihi-mádeni eskertkish, 143 saiabaq pen skver aýmaǵy, 818 shaqyrym kanaldar men aryq júiesi, 127 myń aýlalar men 4,5 myń shaqyrym kóshe joldary tazartyldy. 14 myń tonna qoqys shyǵaryldy. 60 myńǵa jýyq kóshetter otyrǵyzyldy. Bul jumystarǵa jalpy 918 birlik tehnika jumyldyryldy
