Jambyl oblysy boıynsha Kóliktik baqylaý ınspeksıasy basshysynyń mindetin atqarýshy sottaldy, dep habarlaıdy Dalanews.kz.

Aǵymdaǵy jyldyń 20 naýryzynda Taraz qalasynyń soty Jambyl oblysy boıynsha Kóliktik baqylaý ınspeksıasy basshysynyń m.a. Kemelovqa qatysty úkim shyǵardy.

Sheneýnik júk avtomashınalarynyń ıeleri men júrgizýshileri M. Mamyrovtan, N. Abdýllaevtan jáne E. Qanatovtan oblys aýmaǵy boıynsha kedergisiz júrip-turǵany úshin 100 myńnan 450 myń teńgege deıin birneshe ret para alǵany úshin kináli dep tanyldy.

Mamyrov para berýmen qatar, Abdýllaev pen Qanatovtan Kemelovtyń para alýyna deldal bolǵan.

Kemelov 6 jylǵa, Mamyrov 3 jylǵa bas bostandyǵynan aıyryldy, para berýshiler Abdýllaev pen Qanatovqa árqaısysyna 5,6 mln teńge aıyppul taǵaıyndaldy.

Sottalǵandar memlekettik qyzmette jáne kvazımemlekettik mekemelerde qyzmet atqarý quqyǵynan ómir boıyna aıyryldy.

Sot aktisi zańdy kúshine engen joq..