Jambyl oblysynda 105 mıllıon teńge kóleminde búdjet qarajatyn jymqyrǵandar anyqtaldy, - dep habarlaıdy Dalanews.kz.

Rysqulov aýdanynyń prokýratýrasy agroónerkásiptik keshendi damytýdyń 2017-2021 jyldarǵa arnalǵan memlekettik baǵdarlamasy sheńberinde bólingen qarajatty jymqyrý deregin anyqtady.

"Oblystyń eki turǵyny 108 sharýanyń atynan qujattardy qoldan jasap, aýyl sharýashylyǵy tehnıkasyn satyp alý shyǵynyn sýbsıdıalaýǵa bólingen 105,3 mıllıon teńgeni zańsyz alǵany anyqtaldy", - dep jazylǵan habarlaada.

30 naýryzda aýdan prokýratýrasy alaıaqtyq deregi boıynsha Qylmystyq kodekstiń 190-babynyń 4-bóliginiń 2-tarmaǵymen sotaldy tergep-tekserýdi tirkedi.

Qylmystyq isti tergeý oblystyq Ekonomıkalyq tergep-terserý departamentine júkteldi. Qazirgi ýaqytta tergeý júrgizilip jatyr.