Jambyl oblysynyń Qalalyq kópsalaly aýrýhanasy bas dárigeriniń orynbasary sottaldy, dep habarlaidy Dalanews.kz.
Taraz qalalyq soty Jambyl oblysynyń Qalalyq kópsalaly aýrýhanasy bas dárigeriniń ekonomikalyq jáne ákimshilik-sharýashylyq qamtamasyz etý jónindegi orynbasary S. Shaýshenova men bas býhgalter A. Dostaevaǵa qatysty úkim shyǵardy.
Olar «Qairat Qurylys-QK» JShS affilirlengen kásipornyna jalǵan qujattar boiynsha zańsyz aýdarý jolymen 758 mln teńgeden astam biýdjet qarajatyn jymqyrǵany úshin kináli dep tanyldy.
Sonymen qatar, bas dárigerdiń orynbasary qylmystyq jolmen alynǵan qarajatty zańdastyrý boiynsha sottaldy.
Sot úkimimen Shaýshenova 9 jylǵa, Dostaeva 6 jylǵa bas bostandyǵynan aiyrýǵa sottaldy.
Sonymen qatar, sottalǵandar qarjylyq qyzmetke bailanysty laýazymdardy 10 jyl merzimge atqarý quqyǵynan aiyrylady.
Sot aktisi zańdy kúshine engen joq.
