Jambyl oblysynda 12 oqýshy ýlanyp qalǵan, dep habarlaidy Dalanews.kz.
11 qarashada saǵat 11:07-de Baizaq aýdanynyń Myrzatai aýylynda orta mektep oqýshylary tamaqtan ýlanǵany anyqtaldy.
Aýdandyq ortalyq aýrýhananyń málimetinshe, 11 qarashada tańerteń balalar mekteptiń qarsy betindegi jeke dúkennen satyp alǵan jyldam daiyndalatyn taǵamdardy (sendvich, býrger, kirieshki) jegen. Arada 1–2 saǵat ótken soń balalarda júrek ainý, qusý, bas aýrýy jáne álsizdik siiaqty ýlaný belgileri baiqalǵan.
"12 oqýshy Baizaq aýdandyq ortalyq aýrýhanasynyń juqpaly aýrýlar bóliminde tekseristen ótti. Balalardyń jaǵdaiy turaqty joq. Balalar úiine qaitaryldy", - dedi jaýaptylar.
Naýqastarǵa tiisti em-sharalary kórsetilgen. Zerthanalyq tekseris júrgizilip, ýlanýdyń sebebi anyqtalyp jatyr.
