Eksporttalatyn qoi eti Iran memleketine arnaiy muzdatylǵan kúide jetkiziledi. Ár týsha arnaiy daiyndalǵan materialǵa oralyp, syrtyna aǵylshyn jáne iran tilderinde aqparat jazylady. Dál búginge kúnge Iran Islam memleketine 1000 tonna et ushaq arqyly jóneltildi. Al, kombinat bir kúnde 1500 usaq mal men 150 iri qarany óndeýge qaýqarly.
Jambyl oblysynda óndirilgen et ónimderi syrt memlekette óte joǵary baǵalanady. Kóbine bizdiń elde óndirilgen ónimdi irandyqtar, reseilikter jáne qytailyqtar tutynýǵa qumar. Degenmen, mundai úlken suranystardy qanaǵattandyrý úshin dúniejúzilik standartarǵa sai bolý qajet.
Oblysymyzdaǵy irgeli «Merki» JShS-i búgingi kúnniń talabyna sai arnaiy jańǵyrtylýdan ótken. Óndiris ornyna elektrondy tarazy qoiylyp, arnaiy et óndeitin oryndardyń qabyrǵalary men edenderi jóndeýden ótkizildi. Sondai-aq, 350 tonnaǵa jýyq et ónimderin saqtaityn muzdatqysh ta qoiylǵan.
Ótken jyly Jambyl oblysynda et óndirisi 5,3 paiyzǵa (113,5 myń tonna) joǵarylasa, mal basy 1 den 2,4 paiyzǵa deiin kóbeidi. Múiizdi iri qara maldyń sany 1,6 paiyzǵa (320,6 myń bas), qoi men eshki 2,2 paiyzǵa (2,47 mln. bas), jylqy 1,6 paiyzǵa (105 myń bas), túie 2,4 paiyzǵa (5,8 myń bas), shoshqa 1,5 paiyzǵa (31,5 myń bas) artty. Al, 2016 jyly oblys boiynsha 451,3 tonna siyr eti eksportqa shyǵaryldy (Qyrǵyzstan, Oman, OAE).
Sharýanyń tirligin tiktegen «Sybaǵa», «Altyn asyq», «Qulan», «Jailymdardy sýlandyrý» baǵdarlamalary oblysymyzda 100 paiyzdan asa oryndaldy.
Jambyl oblys ákiminiń Baspasóz qyzmeti
