2017 - 2019 jyldar aralyǵynda Qazaqstannyń Bas prokýrory bolǵan Qairat Qojamjarov «Kto ýbiitsa?» atty kitabyn jazdy. Bilik mańaiyndaǵy telegram arna kitapqa qatysty pikir bildirdi, - dep habarlaidy Dalanews.kz.
«Qojamjarov «Kto ýbiitsa?» atty kitabyn jazyp shyqty. Dál osy ýaqytta Qorǵas isi boiynsha tergeý júrip jatyr. Ol iste nazarbaevtyq kúsh qurylymdarynyń jetekshisiniń de qatysy bar. 12 jyl buryn negizgi kýágerlerdiń biri - keden qyzmetkeri Jamashev óltirilgen bolatyn. Jamashev Qorǵastaǵy kontrabandanyń basynda kim turǵanyn aityp úlgermedi», - deidi "Chemodan gossekretov" kanalynyń avtorlary.
Sarapshylardyń málimetinshe, Jamashev Qorǵastaǵy kontrabanda isine qatysty aiǵaqtar bere alatyn kezde qarjy politsiiasyndaǵy negizgi laýazymdy qyzmetterdi burynǵy senator Qairat Qojamjarovtyń komandasynyń adamdary atqarǵan.
«Jamashevke qastandyq 2012 jyly jasaldy. Al qastandyq jasalardan alty ai buryn sol kezdegi prezident Nazarbaev óziniń «oprichnigi» sanalatyn Qojamjarovty ýaqytsha Aqmola oblysyn basqarýǵa jibergen bolatyn. Al Jamashev 6 shildege qaraǵan túni óltirildi. Demek Qojamjarovtyń kitabynda Jamashevti óltirýge kim tapsyryp týraly naqty aqparat joq. Al qoǵamdy qyzyǵyp otyrǵany osy ǵana», - deidi sarapshylar.
