Jalǵan aqparat alǵashynda Almaty arnasynan shyǵatyn Paparazzi baǵadarlamasynda jariialanypty. Búgin Almaty kanalynyń basshysy Nurjan Jalaýqyzy óziniń Feisbýk áleýmettik jelisinde paraqshasynda jalǵan aqparattyń taralyp ketkeni úshin Nurǵali Núsipjanovtan keshirim surap jazba qaldyrdy.
«Qurmetti FB oqyrmandary! Kesheden beri qazaq eliniń birtýar azamaty Nurǵali Núsipjanov aǵamyz týraly tarap jatqan aqparattyń shyndyqqa janaspaitynyn aitqym keledi. Eń aldymen Almaty telearnasynyń basshysy retinde Nurǵali aǵadan keshirim suraimyn! Sizdiń júregińizge abaisyzda túsken osynaý qaiaý meniń áriptesterim úshin úlken sabaq bolary sózsiz.
Sondai-aq, telearnamyzdyń tapsyrysymen daiyndalatyn Paparazzi baǵdarlamasynyń tilshisimen kórermenderge jalǵan aqparat taratqany úshin budan bylai jumys istemeitindigimizdi xabarlaimyn.
Telearnamyzdyń ustanymy – qazaq eliniń keshegisi men búgini úshin aianbai eńbek etken ár saladaǵy aiaýly ul-qyzdaryna árdaiym qurmetpen qaraý bolyp qala beredi» dep tanymal ánshiden keshirim surady.
