Óner maitalmandarymen bolǵan júzdesýde kúngeidegi kino men animatsiia salasynyń damytý joldary talqylanyp, aldaǵy josparlary aityldy.
Shyǵarmashylyq ókilderimen bolǵan otyrysta sóz bastaǵan óńir basshysy kino salasy qoǵamnyń ulttyq ideologiiasyn qalyptastyratyn úlken quraldardyń biri ekenin aityp, sońǵy jyldary elimizde kinoǵa jáne onyń sapasyna kóńil bólinip kele jatqanyn aitty.
– Shymkent qalasynda kino salasy men animatsiia salasy qarqyndy damyp keledi. Osy baǵyttaǵy jumystardy jandandyrý maqsatynda biyl qomaqty qarjy bólinýde. Sapaly ári tárbielik maǵynasy joǵary stsenarii men kásibi rejisser sapaly filmniń kepili. Sondyqtan da biz bilikti kadrlar daiyndaý jumystaryn qolǵa alýymyz qajet. Sonymen qatar, Ońtústiktegi kino stýdiialardy biriktirip, ortaq qundy dúnie jasap shyǵarýdy usynamyn. Bul qazaq kino indýstriiasynyń damýyna septigin tigizip, respýblika kóleminde Ońtústiktiń atyn shyǵarýǵa, halyqaralyq deńgeide Qazaqstandy tanytýǵa múmkindik beredi, – dedi ákim.
Jiynda ziialy qaýym ókilderi, jazýshy Marhabat Baiǵut pen Nurǵali Oraz búgingi filmderdegi til tazalyǵy, taqyryp ózegin ádebietke negizdeý, oblys ortalyǵynan balalar men jasóspirimder kinostýdiiasyn salý týraly tolǵanystaryn aitty.
Sondai-aq, qalamgerler búginde elimizde otandyq kinony damytýǵa memleketten qoldaýlar kórsetilip jatqanyn tilge tiek etip, óńirde osy salany damytýdy qolǵa alyp, kinorejisserlarymen kezdesip otyrǵan alǵashqy ákim ekenin jetkizdi.
– Sizben ótken kezdesý shyǵarmashylyq ujym jumysyna, jańa ideialardyń týýyna serpin beredi. Bizdiń problemamyzben qanyǵyp, qazaq indýstriasynyń damýy jaiynda aitqan oi-pikirińiz biz úshin mańyzdy, – dedi «Saq» kinostýdiiasynyń direktory, rejisser Nýriddin Patteev.
Beiresmi kezdesý sońynda Ulystyń uly kúni qarsańynda «Shymkent Plaza» oiyn-saýyq saýda ortalyǵynyń kinozalynda oblys ákimdiginiń tapsyrysymen túsirilgen «Erlik» tolyqmetrajdy kórkemsýretti filminiń tusaýkeseri ótti. Stsenarii avtory Batyrhan Dáýrenbekov, rejisseri Nýriddin Patteev bolyp tabylatyn film jastardyń boiyna eline, jerine degen súiispenshilikti uialatý maqsatynda túsirilgen.
OQO ákiminiń baspasóz qyzmeti
