Memleket basshysy Qasym-Jomart Toqaev Ishki ister ministri Erjan Sádenovti qabyldady. Vedomstvo basshysy elimizdegi kriminogendik ahýal týraly málimet berdi, dep habarlaidy Dalanews.kz.
Ishki ister ministriniń málimetinshe, jyl basynan beri qylmys deńgeii tómendegen. Urlyq, tonaý, qaraqshylyq, buzaqylyq, sondai-aq turmystyq zorlyq-zombylyq, mas kúiinde jáne kóshelerde jasalatyn quqyq buzýshylyqtardyń sany aitarlyqtai azaiǵan.
Sadenov qylmyskerlerdi izdestirý jumysynyń nátijesi týraly baiandady. Jyl basynan beri 782 adam, onyń ishinde 79 azamat shetelde ustalǵan. Izdeýde júrgen 16 adam elge ekstraditsiialanǵan.
Sonymen qatar adam kóp jinalatyn jerlerde azamattardyń qaýipsizdigin qamtamasyz etý jóninde aqparat berdi. Terroristik áreket turǵysynan alǵanda osal eki myńnan astam nysan, sonyń ishinde mektepter, joǵary oqý oryndary, saýda jáne oiyn-saýyq ortalyqtary, kontsert zaldary men basqa da tarihi-mádeni ǵimarattar tekserilgen;
Ministr kóshi-qon isin baqylaý jumystary jaiynda esep berdi. Jyl basynan beri elimizge 4,2 million shetel azamaty kelip, onyń 4 millionǵa jýyǵy shekaradan keri shyqqan. Olardyń 90 paiyzy – TMD azamattary.
Sondai-aq uiymdasqan, kiber jáne esirtki qylmystaryna qarsy is-qimyl jónindegi, sondai-aq quqyq buzýshylyqtardyń, onyń ishinde turmystyq zorlyq-zombylyqtyń aldyn alý, sý tasqyny saldaryn joiý, jol qaýipsizdigin qamtamasyz etý, kezekten tys attestatsiialaý baǵyttaryndaǵy tapsyrmalarynyń oryndalý barysyn tanystyrdy.
Vedomstvo basshysy kóshelerdegi qaýipsizdik deńgeiin arttyrý jáne quqyq buzýshylyqtarǵa múlde tózbeýshilik qaǵidatyn qamtamasyz etý úshin qabyldanyp jatqan sharalar týraly aitty.
Qasym-Jomart Toqaev elimizdegi quqyqtyq tártip pen qoǵamdyq qaýipsizdik deńgeiin odan ári arttyrý jóninde birqatar tapsyrma berdi.
