2017 jyly iship alyp, tóbeles shyǵarǵan Balqash qalasynyń turǵyn úi-kommýnaldyq sharýashylyq, jolaýshylar kóligi jáne avtomobil joldary bóliminiń basshysy Ánýar Samiev Balqash ákiminiń orynbasary bolyp taǵaiyndaldy, - dep habarlaidy Dalanews.kz.
Ol mas kúide saýnada júrip, «Balqash sý» qyzmetkerin soqqyǵa jyqqan bolatyn. Jábirlenýshi sol kúni saýnadan áreń qashyp ketken. Artynsha qaladaǵy Ortalyq qalalyq aýrýhanaǵa barǵan. Ol travmotologiia bólimine jatqyzyldy.
Túrli jaraqat alǵan jábirlenýshi antikor men politsiiaǵa júgingen. Ol kezde Samiev qatań sógispen qutylyp ketken.
13 mamyrda Ánýar Sámiev jańa qyzmetke taǵaiyndaldy. Bul týraly qalalyq ákimdiktegiler aitty.
Sámiev memlekettik organdarda 15 jyl jumys istegen. 2023 jyldan osy ýaqytqa deiin «Balqash qalasynyń turǵyn úi-kommýnaldyq sharýashylyq, jolaýshylar kóligi jáne avtomobil joldary bólimi» memlekettik mekemesiniń basshysy qyzmetin atqarǵan edi.
