Irak Saýd Arabiiasymen shekaralas aimaqqa jaqyn mańnan iri munai ken ornyn ashty. Málimetke súiensek, bul jerden "qara altynnyń" mol qory tabylǵan, dep habarlaidy dalanews.kz.
Ken orny Iraktyń ońtústigindegi Nadjaf provintsiiasynda anyqtalǵan. Mamandar bul óńirdi munai-gaz salasy boiynsha eldegi eń perspektivaly aimaqtardyń biri sanaidy. Sarapshylardyń aitýynsha, bul jańalyq sońǵy jyldary Iraktyń energetika sektoryndaǵy eń mańyzdy oqiǵalardyń biri bolýy múmkin.
Aldyn ala baǵalaý boiynsha, barlaý ýchaskeleriniń birinde 8,8 mlrd barrelden astam shiki munai qory bar.
Shams-11 barlaý uńǵymasynda júrgizilgen burǵylaý jumystary jeńil munaidyń bar ekenin kórsetti. Uńǵymanyń bastapqy óndiristik qýaty táýligine 3 248 barrel dep baǵalanyp otyr.
Bul málimdeme Irak munai ministri Haian Abdýl Gani men qytailyq ZhenHua Oil kompaniiasy ókilderiniń resmi kezdesýi kezinde jasalǵan.
