Yntymaqtastyq týraly kelisimge qol qoiyldy
Kelisimge sáikes, aldaǵy ýaqytta QazUÝ atalǵan institýtpen birlesip, magistratýra jáne doktorantýra baǵdarlamalary boiynsha virýsolog mamandaryn daiarlamaq.
Koronavirýs indeti kezinde Qazaqstanda epidemiologiia jáne virýsologiia salasyndaǵy mamandar tapshylyǵy sezilgeni jasyryn emes. Osy olqylyqtyń ornyn toltyrý maqsatynda elimizdegi jetekshi joǵary oqý orny Biologiialyq qaýipsizdik problemalary ǵylymi-zertteý institýtymen birlesip, bilikti mamandar daiarlaýdy qolǵa aldy.
Kezdesý barysynda taraptar osy baǵyttaǵy yntymaqtastyqty arttyrýdyń mańyzyna toqtalyp, aldaǵy josparlarmen bólisti.
– Elimizde alǵash ret QazUÝ-dyń Biologiia jáne biotehnologiia fakýltetinde virýsolog mamandary daiarlanatyn bolady. Sonymen qatar kadrlardy daiyndaýǵa Biologiialyq qaýipsizdik problemalary ǵylymi-zertteý institýtynyń arnaiy zerthanalary da úles qosady. Bul bastama – saladaǵy birqatar túiitkildi máselelerdi ońtaily sheshýge óz septigin tigizbek, – dep atap ótti QazUÝ rektory Janseiit Túimebaev.
Osy oraida aita keteiik, «Virýsologiia» bilim berý baǵdarlamasy praktikalyq oqýǵa basymdyq beredi. Oqý protsesiniń basym bóligi zerthanalyq jaǵdaida jumys jasaýǵa beiimdelgen. Bolashaq mamandar bilim alý barysynda jańa virýstardyń túrlerin, olardy zertteý ádisteri men túrli sipattaryn anyqtaýǵa mashyqtanady. Sondai-aq zerthanada bilimgerler diagnoz jasaýǵa jáne zertteýge daǵdylanbaq.
Óz kezeginde Biologiialyq qaýipsizdik problemalary ǵylymi-zertteý institýty túlekterdi jumyspen qamtamasyz etip, jas mamandardy virýsologiia, biologiia jáne biotehnologiia salalary boiynsha biliktilikti arttyrý kýrstarynan ótkizedi.
– Aldaǵy ýaqytta bizdiń ǵylymi-zertteý institýtynyń janynan arnaiy dissertatsiialyq keńester ashylady. Sondai-aq ǵylymi-zertteý jumystaryn jan-jaqty júrgizýge jáne bilim alýshylarǵa ádistemelik kómek kórsetýge sheteldik ǵalymdar tartylatyn bolady. Óz kezeginde bul bastama kadr tapshylyǵyn joiýmen qatar, bilikti de bilimdi mamandar mektebiniń qalyptasýyna yqpal etetin bolady, – deidi Biologiialyq qaýipsizdik problemalary ǵylymi-zertteý institýtynyń bas direktory Kúnsulý Zakaria.
