Instagram-ǵa qazaq ánderi oraldy, dep habarlaidy Dalanews.kz.
OKQ alańynda ótken baspasóz konferentsiiasynda Ádilet ministrliginiń Ziiatkerlik menshik komitetiniń tóraǵasy Sholpan Ábdireeva qazaqstandyq mýzykany áleýmettik jelilerge qaitarý úshin Meta men quqyqtardy ujymdyq basqarý uiymdary arasyndaǵy kelissózder protsesi týraly habardar etti. Onyń aitýynsha, Ádilet ministrligi kelissózder protsesine sharttyq qatynastardyń erkindigi jáne olarǵa aralaspaý qaǵidatyn eskere otyryp, Meta platformasy men quqyqtardy ujymdyq basqarý uiymy arasyndaǵy dánekerge ainaldy.
«Búgin biz Meta men ujymdyq quqyqtardy basqarý uiymy arasyndaǵy kelisimge qol qoiylǵanyn qýana habarlaimyz. Instagram jáne Facebook-te qazaqstandyq mýzykany paidalanýdy retteitin Meta men Qazaqstan avtorlar qoǵamy ýaǵdalastyqqa qol jetkizdi. Ótken aptada kontent áleýmettik jelilerge qaita orala bastady», - dedi spiker.
Bul rette Ádilet ministrliginiń ókili memlekettik jáne kásibi institýttarmen áriptestik qarym-qatynas ornatýǵa umtylysyn, sondai-aq qazaqstandyq avtorlar men quqyq ielenýshilerdiń múddelerin bildiretin Qazaqstan avtorlar qoǵamnyń bul úderisindegi erekshe rólin kórsetken Meta-nyń syndarly tásilin atap ótti.
