Ishki ister ministriniń orynbasary Sanjar Ádilov qala aýmaǵynda júk kólikteriniń qozǵalysyna tolyq tyiym salý múmkin emes ekenin aitty, dep habarlaidy dalanews.kz.
Onyń sózinshe, jol qozǵalysy erejelerinde júk kólikteriniń qozǵalysy naqty rettelgen. Al elimizdegi qarqyndy qurylys pen infraqurylymdyq jobalardy eskersek, aýyr júk kólikteriniń qalaǵa kirýin tolyq shekteý qazirgi jaǵdaida múmkin emes.
"Júk kólikteri qurylys jumystaryn júrgizý men qalalardyń infraqurylymyn damytýda mańyzdy ról atqarady. Sondyqtan olardyń qala aýmaǵynda júrýine tolyq tyiym salý múmkin emes, – dedi Ádilov.
Sonymen qatar vitse-ministr iri júk kólikteriniń tehnikalyq erekshelikteri júrgizýshilerdi jaýapkershilikten bosatpaitynyn atap ótti. Onyń aitýynsha, júrgizýshi jaiaý júrginshini baiqamai qaldym degen ýájben jaýapkershilikten jaltara almaidy.
Al Kólik ministri Nurlan Saýranbaev bul máselege qatysty ózge pikir bildirdi. Onyń aitýynsha, aýyr júk kólikteriniń eldi mekenderdiń ishinde júrýine jol bermeý qajet.
Ministrdiń pikirinshe, kóp tonnaly kólikter turǵyndardyń ómirine qaýip tóndirip qana qoimai, joldardyń tez tozýyna jáne turǵyn úilerdiń qurylymdaryna zaqym keltirýi múmkin.
