İİM referendým qarsańynda azamattarǵa úndeý jasady, dep habarlaıdy Dalanews.kz.

15 naýryzda referendým ótedi. 

"Mundaı mańyzdy kezeńde áleýmettik jeliler men messendjerlerde jalǵan aqparattar men ádeıi taratylatyn arandatý habarlamalary jıi kezdesip jatady. Olardyń maqsaty – qoǵamdy adastyrý jáne jaǵdaıdy turaqsyzdandyrý. Búginde sıfrlyq tehnologıalar men jasandy ıntellektiniń damýyna baılanysty jalǵan kontent jasaý burynǵydan áldeqaıda jeńildedi. Qysqa ýaqytta shyndyqqa uqsas, biraq adamdardy jańylystyratyn jalǵan materıaldar taralýy múmkin", - delingen habarlamada.

Eske salamyz: kórineý jalǵan aqparat taratý – zań buzýshylyq. Mundaı áreketter úshin ákimshilik te, qylmystyq ta jaýapkershilik qarastyrylǵan.

"Azamattardy zań talaptaryn saqtaýǵa jáne tekserilmegen aqparatty taratpaýǵa, aqparattyq mádenıetti saqtaýǵa shaqyramyz. Kúmándi habarlamalardy kórseńizder – ony ári qaraı jibermeńizder. Jalǵan aqparat kóbine dál osylaı taralady. İshki ister mınıstrligi referendým kezinde qoǵamdyq tártip pen qaýipsizdikti tolyq qamtamasyz etedi. Jalǵan aqparat taratý jáne arandatýshylyq áreketter jedel anyqtalyp, den qoıylyp, zań aıasynda qatań qaralady", - dedi departament bastyǵy – İİM resmı ókili Shyńǵys Alekeshev..

Sondyqtan tek resmı jáne senimdi aqparat kózderine ǵana senińizder.