Ishki ister ministrligi óndiris obektilerinde urlyq jasaýdyń shemalaryn anyqtaý jáne olardyń jolyn kesý boiynsha júieli jumysty jalǵastyrýda, – dep habarlaidy Dalanews.kz Polisia.kz-ke siltep.
Pavlodar oblysy politsiia departamentiniń uiymdasqan qylmysqa qarsy kúres basqarmasy Aliýminii zaýyty aýmaǵynan metall urlaý shemasyn anyqtady. Qylmys jasady degen kúdikke kásiporynnyń qyzmetkerleri ilindi.
Olardyń zańsyz áreketi jedel is-sharalar nátijesinde qujattaldy. Figýranttar metaldyń kezekti partiiasyn shyǵarý kezinde qylmys ústinde ustaldy. Olardyń is-áreketterinen kásiporynǵa 30 mln teńge somasynda shyǵyn keltirildi.
Qylmystyq is urlyqtyń birneshe epizodtary boiynsha tergelýde. Ulytaý oblysynda uiymdasqan qylmysqa qarsy kúres basqarmasy «Qazaqmys» korporatsiiasynyń qaýipsizdik qyzmetimen birlesip, kórsetilgen kásiporynnyń jumyskerlerinen turatyn eki top ustady. Olar taýarlyq-materialdyq qundylyqtardy urlaý shemasyn uiymdastyrǵan.
"Birinshi jaǵdaida top músheleriniń biri ýchaske bastyǵy bolyp tabylady. Olar 16 mln teńgeden astam somaǵa kásiporyn múlkin urlaǵan. Ekinshi topta qylmystardy jasaýǵa korporatsiia basqarmalarynyń biriniń basshysy qatysqan. Olar urlanǵan zattardy kásiporyn aýmaǵynan qujattardy qoldan jasaý arqyly shyǵaryp otyrǵan. Atalǵan faktiler boiynsha figýranttardyń quqyqqa qarsy áreketteri týraly dálelder jinaldy. Barlyq kúdiktiler ustaldy", – dedi IIM uiymdasqan qylmysqa qarsy kúres departamentiniń ókili Qýandyq Alpys.
Sotqa deiingi tergep-tekserý adamdar tobymen aldyn ala sóz bailasý arqyly jasalǵan urlyq faktileri boiynsha júrgizilýde.
"Sondai-aq «Qarmet» AQ-dan múlik urlaýdy uiymdastyrǵany úshin 2023 jyly ustalǵan toptardyń biriniń músheleri uzaq merzimge sottalǵanyn atap ótý qajet. Osy kásiporynda urlyq jasaǵan basqa da eki uiymdasqan qylmystyq topqa qatysty tergeý aiaqtaldy. Qylmystyq ister sotqa jiberildi. Iri ónerkásip obektilerinde uiymdasqan qylmystyq toptardyń kriminaldyq áreketteriniń jolyn kesý jónindegi jumys Ishki ister ministrliginiń baqylaýynda", – dedi spiker.
