IIM júrgizýshiler men jaiaý júrginshilerge úndeý jasady
Jedel málimetter boiynsha ótken aptada 210 jol-kólik oqiǵasy tirkeldi. Jol-kólik oqiǵalarynyń saldarynan 39 adam qaza taýyp, 289 adam jaraqat alǵany IIM-niń alańdaýshylyǵyn týdyryp otyr, degen úndeýdi QR IIM baspasóz qyzmeti taratty.
Apattardyń negizgi sebebi jol qozǵalysyna qatysýshylardyń jol tártibin saqtamaýy bolyp tabylady. Kóbinese jyldamdyqtyń artýy, tyiym salatyn jáne eskertetin belgilerge nazar aýdarmaý jáne olardy elemeý qaiǵyly oqiǵalarǵa ákep soǵýda.
Aýa-raiynyń nasharlaýyna bailanysty IIM jol qozǵalysyna qatysýshylarǵa qarapaiym, biraq óte mańyzdy erejeler týraly eskertedi, olardy saqtaý kútpegen jerden oryn alatyn jol-kólik oqiǵalarynyń aldyn alýǵa múmkindik beredi.
Qystyń bastalýyna bailanysty:
- qysqy nemese tikenekti shinalar ornatý;
- avtomobildi jylytý jáne áinekterge jylý úrleý júiesin tekserý;
- sýytý júiesindegi suiyqtyqtyń minýs temperatýrasy kezinde paidalanýǵa jaramdylyǵy men jai-kúiin tekserý;
- otyn apparatýrasynyń synýyn boldyrmaý úshin dizel qozǵaltqyshtary bar kólik quraldary úshin qysqy dizel otynyn paidalaný.
! Qysqy jolda avtomobildiń tejegish joly aitarlyqtai ulǵaiatynyn este saqtaý qajet, sondyqtan kenetten qaýip týyndaǵan jaǵdaida júrgizýshiniń jyldamdyqty ýaqtyly tómendetýge, kólik quralyn tolyq toqtatýǵa múmkindigi bolýy tiis.
! Qaýipti manevrler jasaýǵa jáne shuǵyl tejeýge bolmaidy - kóktaiǵaq jaǵdaiynda bul avtomobildi basqarý múmkindigin joǵaltýǵa jáne jol-kólik oqiǵalaryn jasaýǵa ákep soǵýy múmkin.
! Jaiaý júrginshiler de óte muqiiat bolýy kerek. Joldy tek belgilengen oryndarda ótý qajet. Sonymen qatar kólik júrgizýshileriniń olardy baiqaǵanyna jáne jyldamdyqty tómendetip, jaiaý júrginshiler ótpesine deiin toqtaýǵa múmkindigi bar ekendigine kóz jetkizý mańyzdy.
Avtokólik joǵary qaýip kózi, sondyqtan jol qozǵalysyna qatysýshylardyń qaýipsizdigi belgilengen erejelerdiń saqtalýyna bailanysty.
