Konferentsiiany Ishki ister ministri, politsiia general-leitenanty Erlan Zamanbekuly Turǵymbaev ashyp, «Bul Memleket basshysy Qasym-Jomart Toqaev Kemelulynyń tapsyrmasyn oryndaý úshin sotqa deiingi tergeý salasynda eleýli reforma júrgizilip jatqanyn, qylmystyq sot tóreliginiń úsh býyndy modelin engizý óziniń alǵashqy nátijesin bere bastady. Jyl basynan beri azamattardyń konstitýtsiialyq quqyqtaryn jáne qylmystyq isterdi tergeý merzimderin buzý aitarlyqtai azaidy, sondai-aq jańa tártip engizilgennen beri prokýrorlarmen 52 myńnan astam protsessýaldyq sheshim kelisilgenin onyń ishinde 22-myńyn – toqtatý, 10 myńynyń – merzimderin toqtatý, 13- myńyn – kúdikti dep taný, 7 myńyn – áreketterdiń biliktiligi týraly boldy. Júrgizilip jatqan ózgeristerdiń basty maqsaty azamattardyń quqyqtary men bostandyqtaryn qorǵaý deńgeiin joǵary halyqaralyq standarttarǵa sai, arttyrý bolyp tabylady» dedi.
Konferentsiia moderatorynyń tizginin - Qazaqstan Respýblikasy Tuńǵysh Prezidenti-Elbasy qory atqarýshy Direktorynyń orynbasary I. Rogov ustady.
Atalǵan konferentsiiada /Qylmystyq sot óndirisiniń úsh býyndy modeli, ǵylym men praktikany integratsiialaý sheńberinde sotqa deiingi is-júrgizý problemalaryn sheshýdiń ózekti máselelerin, ǵylym men praktikany integratsiialaýdyń, politsiia akademiialarynyń ǵylymi bilim berý qyzmeti aiasyndaǵy pozitsiialaryn jetildirýdiń, vedomstvolyq bilim berý júiesin ońtailandyrýdyń, tájiribege baǵyttalǵan oqý baǵdarlamalaryn jáne jańa arnaiy kýrstar men pánderdi engizýdiń ózekti máselelerin keńinen talqylanyp, qylmystyq protsestiń úsh býyndy modeline kóshýge bailanysty memlekettik organdardyń ókilettikteri naqty bólingenin:
- Politsiia – qylmystardy ashady, qatysy bar adamdardy anyqtaidy, aiǵaqtardy jinaidy jáne bekitedi.
- Prokýratýra dáleledemelerge baǵa beredi, azamattardyń quqyqtaryn buzýdyń jolyn kesedi, sotta aiyptaýdy qoldaidy.
- Sot – organdardyń is-áreketterine shaǵymdardy qaraidy jáne túpkilikti úkim shyǵaratyndyǵy talqylandy.
Ótken Halyqaralyq konferentsiia – bul ishki ister organdarynyń júiesi úshin óte mańyzdy oqiǵa bolyp sanalady,- deidi Akademiia bastyǵy, politsiia polkovnigi A.Saitbekov,- Bizdiń akademiiamyzǵa azamattardyń quqyqtary men bostandyqtaryn qamtamasyz etý kepildigi retinde sot tóreliginiń úsh býyndy modeline arnalǵan birinshi halyqaralyq ǵylymi-praktikalyq konferentsiiany ótkizýge júktelgen jaýapkershilik joǵary nátije berdi. Ol sondai-aq, keleshek Qazaqstan politsiiasyn tranformatsiialaýdyń bolashaǵy nyq senimmen joǵary deńgeige jetýine akademiialyq kýrstar yqpal etetinin ári óz nátijesin beretinin jetkizdi.
