Jinalysta III halyqaralyq Farabi oqýlary boiynsha esep bergen fakýltetter dekandary men jaýapty tulǵalardyń baiandamalarynan túigenimiz osy on kún aralyǵynda tómendegidei jumystar atqarylǵan.
Birinshi, Alash kósemi Álihan Bókeihanovtyń týylǵanynyń 150 jyldyǵyna arnalǵan «Álihan Bókeihanov jáne Alash murasy» atty konferentsiia aiasynda Álihan Bókeihanovtyń saiasatkerligimen birge ádebietke qosqan úlesi talqylanǵan. Alash murasy «Aiqap» jýrnalynyń tusaýy kesilgen.
Ekinshi, ál-Farabi atyndaǵy QazUÝ, Kembridj ýniversiteti jáne Túrki mádenieti halyqaralyq uiymy (TÚRKSOI) arasyndaǵy úsh jaqty kelisim boiynsha bolashaqta Kembridj ýniversitetinde Túrkitaný ǵylymi ortalyǵy ashylady.
Úshinshi, ál-Farabi atyndaǵy QazUÝ, Túrki mádenieti halyqaralyq uiymy (TÚRKSOI) jáne Irandyq ǵalymdarmen Úsh jaqty kelissóz boiynsha «Iran-Turan» jobasy qolǵa alynady.
Tórtinshi, Uly oishyl, ǵalym jáne aqyn Júsip Balasaǵunnyń 1000 jyldyq mereitoiyna orai «Júsip Balasaǵun shyǵarmashylyǵynyń túrki álemi mádenietine qosqan úlesi» atty ǵylymi konferentsiia óz máresine jetti. Bul jaiynda ál-Farabi atyndaǵy QazUÝ rektory, akademik Ǵ.M. Mutanov: «Endi biz qashan Júsip Balasaǵunnyń 2000 jylydyǵy bolady dep otyrmai, kórshiles qyrǵyz aǵaiyndarmen birge uly aqynnyń murasyna zertteýlerdi jalǵasytyrýymyz kerek. sonymen birge Jambyl oblysyndaǵy kóne Balasaǵun qalasynyń orny dep jatqan kóne qala qurylysyna arheologiialyq zertteý júrgizýimiz qajet. Buǵan bizdiń ǵylymi jáne materialdyq áleýetimiz jetkilikti», – dedi.
Besinshi, «Jasyl kópir urpaqtan-urpaqqa» atty V Halyqaralyq stýdenttik forým jáne «HHI ǵasyrdaǵy turaqty damýdyń ǵalamdyq energoekologiialyq strategiiasy» atty konferentsiiaǵa qatysqan otandyq jáne sheteldik ǵalymdar men stýdentter adamzatty «jasyl ekonomika» jáne turaqty damý boiynsha jumys jasaýǵa, ekologiialyq máselelermen ortaq kúresýge shaqyrady.
Altynshy, biologiia jáne biotehnologiia fakýltetinde ótken «Qazirgi biotehnologiia máseleleri: laboratoriialyq zertteýlerden óndiristerge» taqyrybyndaǵy halyqaralyq ǵylymi konferentsiia barysynda ózekti ǵylymi máseleler talqylandy, sonymen birge jumys berýshiler jáne sheteldik áriptestermen kelisimderge qol jetkizilgen.
Jetinshi, Halyqaralyq qatynastar fakýltetinde ótken «Ortalyq jáne Ońtústik Aziia: kólik jáne kólik infraqurylymyn damytý» atty taqyrypta halyqaralyq ǵylymi-praktikalyq konferentsiia barysynda halyqaralyq jobalar men jańa óńirlik aqiqat kontekstindegi Ortalyq jáne Ońtústik Aziiadaǵy jibek joly boiyndaǵy kólik dálizderin damytý boiynsha usynylǵan bastamalar talqylanǵan.
Sonymen birge Tarih, arheologiia jáne etnologiia fakýlteti, Jýrnalistika fakýlteti jáne Zań fakýltetinde ótken ǵylymi konferentsiialardyń da qorytyndy baiandamalary tyńdaldy.
Ál-Farabi atyndaǵy QazUÝ rektory, akademik Ǵ.M. Mutanov árbir baiandama sońynda jaýapty tulǵalarǵa naqtyly tapsyrmalar berdi, ásirese Jýrnalistika fakýltetine bolashaqta elektrondy BAQ basshylarmen jáne Respýblikalyq baspasózben tyǵyz jumys jasaýǵa tapsyrma berdi.
III halyqaralyq Farabi oqýlary men onyń aiasynda ótken «Farabi álemi» atty halyqaralyq ǵylymi konferentsiiaǵa 6000-nan astam otandyq jáne 170-ten astam sheteldik qatysyp, úzdik ǵylymi jumystar marapattaldy. Stýdentter arasyndaǵy ǵylymi jobalar baiqaýy óz máresine jetip, tańdalǵan úzdik ǵylymi jobalar qarjylandyrylatyn boldy.
Jinalys sońynda jas ǵalymdar arasynda ótken «Úzdik jas ǵalym» baiqaýy nátijesi jariialanyp, 15 jas ǵalymǵa ál-Farabi atyndaǵy QazUÝ-diń damýyna úles qosqandyǵy úshin arnaýly diplom jáne ýniversitettiń 80 jyldyq mereitoilyq medaly tabys etildi.
Álibek Ydyrys,
ál-Farabi atyndaǵy QazUÝ
