Almatynyń qylmystyq ister jónindegi mamandandyrylǵan aýdanaralyq sotynda Gúlmira Satybaldyǵa qatysty sot otyrysy jalǵasyp jatyr. Zardap shekken kásipker Abai Júnisov sottalýshymen yntymaqtasýdyń paidasy nede bolǵanyn aitty, - dep habarlaidy Dalanews.kz Tengrinews.kz-ke siltep.
Júnisovtiń aitýynsha, Satybaldy otbasynyń yqpaly oǵan birlesken seriktestikte qurylys kelisimsharttaryn alýǵa kómektesken.
"Gúlmira Satybaldy Nazarbaevtar áýletiniń jaqyn múshesi boldy, sheneýniktermen qarym-qatynasy arqasynda mol múmkindigi boldy. Ol osy múmkindikterdi paidalandy. Mysaly, ziiatkerlik mektepterdi salýǵa "Ariia-Jańa Astana" kompaniiasyna bir kelisim-shart aldyq. Sol kezde, esimde, ol Qairat Satybaldyulyna júgindi, olar birge premer-ministrdiń orynbasaryna baryp, qurylysty bizdiń kompaniia salýyn ótindi. Men muny ákimshilik resýrs dep sanaimyn", - dedi kásipker.
Sondai-aq, jábirlenýshi Qairat Satybaldyulymen 2002 jyly onyń shaqyrýymen Almatyǵa jumysqa kelgennen beri aralasqanyn aitty. Ol krizis-menedjeri retinde shaqyrylǵan. Jábirlenýshiniń aitýynsha, ol Qairat Satybaldyulymen yntymaqtastyqtan eshteńe almaǵan, soǵan qaramastan Gúlmira Satybaldymen birlesip qurylys kompaniiasyna ielik etýge kelisken.
Satybaldynyń qorǵaýshysy jábirlenýshiden, nege tek 2021 jyly, úiqamaqta ustai bastaǵanyna eki jyl ótken soń ǵana sotqa barǵanyn suraǵan kezde advokat ol kezde elde prezident aýysqanyn jáne Gúlmira Satybaldynyń otbasynyń yqpaly azaiǵanyn aitty.
"Meni Qairat Satybaldyulyna aparǵan kezde ol óz múmkindikterin kórsetti. Men olardyń resýrstary jetkilikti dep oiladym. Prezident aýyssa da, kez kelgen suraqty aitýǵa resýrstar boldy. Men olardyń prezidentke (Nursultan Nazarbaevqa - esk.), prezidenttiń otbasy múshelerine erkin shyǵa alatynyna kýá boldym", - dedi jábirlenýshi.
