Grýziianyń Ishki ister ministrligi 18 jastaǵy Qazaqstan azamatynyń esirtki isi boiynsha ustalǵanyn rastady, dep habarlaidy Dalanews.kz.
Vedomstvonyń málimetinshe, Imereti aimaǵyndaǵy politsiia departamentiniń qyzmetkerleri Ýkraina jáne Qazaqstan azamattaryn – 2008 jyly týǵan K.K. men A.D.-ny iri jáne asa iri kólemde esirtki zattaryn zańsyz satyp alý, saqtaý jáne ony taratýǵa járdemdesý kúdigimen ustaǵan. Kúdiktiler ártúrli ýaqytta qolǵa túsken.
Tergeý barysynda júrgizilgen tintý jáne tergeý eksperimenti kezinde kórsetilgen oryndardan iri kólemde metadon tárkilengen. Sonymen qatar esirtkini qaptaýǵa arnalǵan materialdar da tabylyp, aiǵaq retinde alynǵan.
"Qylmystyq is Grýziia Qylmystyq kodeksiniń 260 jáne 260 prima baptary boiynsha tergelip jatyr. Bul baptar 20 jylǵa deiin nemese ómir boiyna bas bostandyǵynan aiyrý jazasyn qarastyrady", – dep habarlady Ishki ister ministrligi.
