– Zardap shekken azamattar úshin mektepterde ýaqytsha turatyn oryn uiymdastyryldy. Eki kúnniń ishinde jaǵdaidy baǵalap, jumys isteimiz. Kimde-kimniń úii qirap, múldem iske jaramsyz bolsa, qojaiyny kelisse, birden Beloýsovkadan úi satyp alyp beremiz. Baspana máselesin sheshý, tez arada úilerdi satyp alý úshin aýdanǵa 60 million teńge bólindi. Barlyq shyǵyndaryńyz eseptelinip, orny óteletin bolady. Biraq, jaǵdaidy paidalanyp, úilerin óz qolymen qiratý degen bolmasyn, – dedi turǵyndarǵa aimaq basshysy Danial Ahmetov.
Aýyldaǵy jaǵdaidy turaqtandyrý úshin barlyq azamattyq jáne qorǵanys kúshi jumyldyrylǵan. Al aýyl halqy komissiia obektivti baǵalaý jasaitynyna úmittimiz deidi.
– Sý kelgende eshbir jihazdy, dúnie-múlkimizdi ala almadyq. Úsh balamen tek qujattardy, biraz kiim-keshekti jinap shyqtyq. Bári sýdyń astynda qaldy. Oblys ákimimen kezdestik. Shyǵyndy óteitinderin aitty. Bizdiń úiimiz aǵashtan salynǵan, sý áli ketken joq. Komissiia obektivti sheshim shyǵarady dep senip otyrmyz, – dedi Ásem Bazarqulova.
Aita ketý kerek, turǵyndardyń kiim-keshek, azyq-túlik siiaqty turmystyq qajettilikteri úshin keshe 10 mln.teńge joldanǵan bolatyn.
ShQO ákiminiń baspasóz qyzmeti
https://dalanews.kz/34981
