Tańerteńnen bastap Abaı atyndaǵy mádenıet úıiniń aýmaǵynda ulttyq áýender men án-kúıler alystan estilip turdy. Ulttyq ádemi kostúmderde turǵyndar men qonaqtardy ándermen jáne bılermen kórkemónerpazdar ujymy qarsy aldy.
Bul kúni ulttyq qoldanbaly óner kórmesi uıymdastyryldy.
Arnaıy jabdyqtalǵan kıiz úıde turǵyndar men qonaqtarǵa qazaqtyń ulttyq taǵamdary men táttileri usynyldy.
Sondaı-aq merekede «sadaq atý», «asyq atý», shahmat, doıby, toǵyzqumalaq jáne basqa da qyzyqty sporttyq jarystar kórinis tapty. Altybaqan, balalar alańy, átkenshekter búldirshinder úshin keremet oıyn-saýyqqa aınaldy.
Sondaı-aq, turǵyndar túrli baıqaýlarǵa, suraq-jaýaptarǵa, merekelik lotereıaǵa jáne basqa da kóptegen qyzyqty oıyn-saýyqqa qatysty.
Turǵyndar úshin basty tosynsyı – Almaty qalasynan shaqyrylǵan ártister Gúlmıra Izbashan men kýbalyq «Umberto project» toby kent turǵyndaryna tamasha kóńil-kúı syılady.
Mereke shynymen de qyzyqty ári kóńildi ótti.
Erekshe áser syılaǵan Naýryz merekesi kóptiń kóńilinde talaı ýaqyt júretini sózsiz.
