Almaty qalasynda QR Ǵylym jáne joǵary bilim ministrliginiń keńeitilgen alqa otyrysy aiasynda joǵary oqý oryndary men ǵylymi-zertteý institýttary ǵalymdarynyń ǵylymi kórmesi uiymdastyryldy, dep habarlaidy Dalanews.kz.
Q.Sátbaev atyndaǵy Qazaq ulttyq tehnikalyq zertteý ýniversitetinde ótken kórmeni QR Ǵylym jáne joǵary bilim vitse-ministri Gúlzat Kóbenova bastaǵan delegatsiia tamashalady. Munda 40-tan astam innovatsiialyq joba kelýshiler nazaryna usynyldy. Kórmede tsifrly tehnologiialar, jasandy intellekt, aýyl sharýashylyǵy, nanotehnologiia, metallýrgiia, taǵam ónerkásibi jáne ózge de strategiialyq mańyzdy salalardaǵy zamanaýi ázirlemeler tanystyryldy. Ǵalymdar óz jobalarynyń tájiribelik mańyzyn, óndiris pen ekonomikaǵa engizý múmkindikterin jáne kommertsiialandyrý áleýetin jan-jaqty baiandady.
Sonyń biri Satbayev ýniversitetiniń ǵalymdary óndiristik qaldyqtar men jylý elektr stantsiiasynan shyqqan kúlderdi paidalana otyryp, qurylys materialdaryn ázirlep jatyr. Memleket basshysy Qasym-Jomart Toqaevtyń tapsyrmasyna sáikes arnaiy tehnopark qurylyp, otandyq joǵary oqý oryndaryn biriktirgen konsortsiým jasaqtalǵan. Oǵan Satbayev ýniversitetinen bólek ózge de otandyq JOO-lar kirgen. Ortaq zertteýdiń nátijesinde tsement jáne 19 túrli qurǵaq qurylys qospalary daiyndalyp jatyr, onyń ishine kafeldi jelimder, sylaqtyń túrleri kiredi.
«Shyǵarylǵan ónim tolyq sertifikattalyp, patentteldi. Qazirgi tańda naryqta bar. Joba aiasynda Shymkent, Almaty, Óskemen qalalarynda óndiris ashylǵan bolatyn. Onda óndiristik qaldyqtar negizinde qurylys materialdary alynady. Innovatsiialyq jobada 100-den astam adam eńbek etedi, al ár óndiris ornynda 20-ǵa jýyq qyzmetker jumys isteidi. Bizdiń ónim naryqtaǵy analogtardan kem túspeidi. Fizikalyq qasieti jaǵynan sapaly, ári baǵasy qoljetimdi», – dedi ǵylymi jobanyń bólim jetekshisi Rýslan Erǵaliuly.
Sonymen qatar kórmede jerdi qashyqtyqtan zondtaý tehnologiiasy arqyly ázirlengen jańa geologiialyq karta tanystyryldy. Jobaǵa geologtar, fizikter, IT-mamandar jáne jerdi qashyqtyqtan zondtaý ortalyǵynyń sarapshylary jumyldyrylǵan. Barlyǵy 30-ǵa jýyq zertteýshi qatysqan aýqymdy jumys nátijesinde paidaly qazbalardy barlaý men tabiǵi resýrstardy tiimdi basqarýǵa múmkindik beretin zamanaýi karta jasalǵan.
Al Qorqyt Ata atyndaǵy Qyzylorda ýniversitetiniń ǵalymdary sýdy tazartýdyń innovatsiialyq ádisin usyndy. Zertteýshiler kúrish qaýyzyn óńdeý arqyly belsendirilgen kómir alǵan. Osy materialdyń kómegimen las sýdy tiimdi súzgiden ótkizip, aýyl sharýashylyǵynda qoldanýǵa jaramdy taza sý alýǵa qol jetkizgen.
Innovatsiialyq ádis arqyly tazartylǵan sýdy egin jáne mal sharýashylyǵynda paidalaný bolady. Bul joba ekologiialyq turaqtylyqty qamtamasyz etýge, sý resýrstaryn únemdeýge jáne agrarlyq sektordyń tiimdiligin arttyrýǵa baǵyttalǵan.
