Germaniianyń Ramstein áskeri áýe bazasynda ótken kezdesýde NATO men EýroOdaq múshe elderdiń Qorǵanys ministrleri Ýkrainaǵa kómek-qoldaýyn arttyrýǵa bir aýyzdan kelisti.
Gepard qondyrǵysyn nemister 1973 jyldan beri shyǵaryp keledi. Bul qarýmen qurlyq áskeriniń qorǵanysyn kúsheitip, úsh shaqyrym biiktikte ushyp kele jatqan áskeri ushaqtardy atyp túsirýge bolady. Sonymen qatar Gepard qondyrǵysy 4,5 shaqyrym qashyqtyqtaǵy sýdaǵy kemeler men qurlyqtaǵy áskeri nysandardy joiýǵa múmkindik beredi.
Áskeri mashina 35 millimetrlik zenitti snariadpen jáne 7,26 kalibrli pýlemetpen jabydyqtalǵan.
Germaniianyń Qorǵanys ónerkásibi 500-den astam Gepard qondyrǵysyn shyǵarǵan. Bul qarý qazirgi tańda Germaniia, Rýmyniia, Barzilia jáne Iordaniianyń qarýly kúshterinde tur.
