Búginde Qazaqstanda áıelder ekonomıkalyq ómirdiń barlyq salalaryna belsene qatysyp, elimizdiń damýyna óz úlesin qosyp kele jatqany belgili. Ekonomıkanyń turaqty damýy, áıelder, erler, otbasylar men jalpy qoǵam ómiriniń sapasyn arttyrý úshin mańyzdy bolyp tabylady. Bul turǵyda jeke sektorda áıel azamatshalardyń róli artyp keledi.
Korporatıvtik genderlik teńdik saıasatyn engizý, genderlik-sezimtal bastamalaryn ázirleý men engizý bıznes ónimdiligin, básekege qabilettiligi men turaqtylyǵyn arttyra túsetinin álemdik tájirıbeden anyq ańǵarýǵa bolady. Bul baǵyttaǵy jumystar bizdiń elimizge de tańsyq emes.
2018 jylǵy Global Challenges Summit aıasynda «BUU-Áıelder» pikirtalas sesıasy áıelderdiń ekonomıkalyq múmkindikterin keńeıtý ári olardyń el ekonomıkasyna qatysýdyń mańyzy jan-jaqty talqylandy. Sondaı-aq, genderlik teńdikti alǵa jyljytý men áıelderdiń quqyqtary men múmkindikterin keńeıtý úshin negizgi strategıalardy jáne is-áreketterdi anyqtaý máselesi de keńinen sóz boldy. Búginde áıelderdiń tabysty bıznes-bastamalardy usyný úshin bıznestiń, úkimettik ókilderdiń, halyqaralyq uıymdar men akademıanyń joǵary deńgeıdegi ókilderiniń dıalogynyń qalyptasýy mańyzdy.
Óz tilshimizden
