Mamandar elordada boi kótergen jańa úilerdi gazǵa qosý – shahardyń ekologiialyq kórsetkishin jaqsarata túskenin qaýattap otyr. Búginde qaladaǵy Sryarqa jáne Almaty aýdandary úilerdi gazǵa qosý múmkindigi tolyq qamtamasyz etilgen. Ol úshin qalada 680 shaqyrymnan astam gaz taratý jelisi salyndy, kvartalishilik jeliler tartyldy. Osy eki aýdanda úilerdiń 65%-y gazǵa kóshti (Saryarqa jáne Almaty aýdandarynda). Gazǵa 7,5 myńnan astam úi qosylǵan.
Baiqońyr jáne Esil aýdandarynda da gaz qubyryn salý (2023 jyly kvartalishilik jeliler) jumysy júrip jatyr. Biyl aýdandyq «Turan», «Telman» qazandyqtaryna jáne Ilinka (Úrker), Óndiris, Telman, Prigorodnyi, eldi mekenderinde, sol siiaqty «Family Village» jáne «Garden Village» shaǵyn aýdandaryna gaz jetkizý jelisiniń qurylysy bastaldy.
Shubar shaǵyn aýdanynda jobalaý jumysy júrip jatyr, al kvartalishilik jelilerdiń qurylysy 2023 jyly bastalady.
Áleýmettik nysandar da gazǵa qosylady. Eldi mekenderde ortalyq jylý júiesine qosylmaǵan áleýmettik nysandar bar. Olar avtonomdy jylý kózderi kómir nemese dizel otyny arqyly jylytylady. Alaida mundai otyn kózderi birneshe ese qymbat. Osyny basshylyqqa alǵan Astana qalasy ákimdigi 20 áleýmettik nysannyń (Almaty jáne Saryarqa aýdany) 13 nysany gazǵa aýystyran bolatyn. Áleýmettik nysandarda gazǵa aýystyrý esebinen jalpy únemdeý jylyna 1 mlrd teńgeden asady.
Jergilikti bilik oryndary qala turǵyndaryn úilerin gazǵa qosý úshin yntalandyrý jumystaryn udaiy júrgizip kelgenin bilimiz. Budan basqa kómek te kórsetken kezderi boldy.
Astana ákimdigi birqatar áleýmettik sharalar qabyldap, úilerdi gazǵa qosýǵa arnalǵan qujattar tizimi eki ese qysqartyp, halyqtyń muqtaj sanattaryna bólinetin soma 2 eseden astam ulǵaitty (430 myńǵa deiin), budan basqa tegin negizde gazdy esepke alý qurylǵylary (eseptegishter) tartaqan bolatyn. Al gaz tartýǵa aqshasy bolmaǵan turǵyndar úshin bank arqyly bólip tóleý jáne paiyzsyz kreditteý múmkindigi de qarastyrylǵanyn aita ketýimiz kerek. Osyndai keshendi jumystardyń arqasynda qalada gazdandyrý jumystary tabysty túrde iske asýda.
Gazdandyrý qalanyń ekologiiasyn edáýir jaqsartyp qana qoimai, jeke sektor turǵyndary úshin qolaily jaǵdai jasaýǵa múmkindik beredi.
