Memleket basshysy ushqysh-ǵaryshker, Halyq qaharmany Talǵat Musabaevtyń otbasy men jaqyn týystaryna kóńil aitý jedelhatyn joldady, dep habarlaidy Dalanews.kz.
Qasym-Jomart Toqaev áigili ushqysh-ǵaryshker, Halyq qaharmany, memleket jáne qoǵam qairatkeri Talǵat Musabaevtyń dúnieden ótýine bailanysty onyń otbasy men týǵan-týystaryna kóńil aitty.
"Talǵat Amangeldiuly úsh márte ǵaryshty baǵyndyrǵan, ashyq kosmosqa shyǵyp, aitýly erligimen elimizdiń atyn álemge tanytqan batyr tulǵa edi. Otandyq aeroǵarysh salasyn damytýǵa bar kúsh-jigerin jumsap, eseli eńbek etti. Senat depýtaty jáne qoǵam qairatkeri retinde kóptegen igi iske bastamashy boldy. Kásibi biliktiligimen, ainalasyna syily azamattyq qalpymen halyqtyń qurmetine bólengen Talǵat Amangeldiulynyń jarqyn beinesi umytylmaidy. Imany salamat, jany jánnatta bolsyn", – dep jazylǵan jedelhatta.
